ახალი დეტალები ოჯახურ სკანდალზე - რას ჰყვება რძალი და რა მტკიცებულებები წარადგინა სასამართლოზე

ხულოში ქალი ქმარს, დედამთილსა და მამამთილს ფსიქოლოგიურ და ფიზიკურ ძალადობაში ადანაშაულებს. ის ამბობს, რომ მეუღლის ოჯახის წევრები მას მუსლიმური ჩადრის ტარებას აიძულებდნენ. მისივე თქმით, ქმარი მასზე ფიზიკურად ძალადობდა.

სამართალდამცველებს ქმარი დაკავებული ჰყავთ. სხდომა ბათუმის საქალაქო სასამართლოში ამ წუთებში მიმდინარეობს. ქალმა პროცესზე ფოტომასალა წარადგინა, რომელზეც ფიზიკური ძალადობის კვალი ჩანს.

დაზარალებული ამბობს, რომ მასზე ყოველდღიურმა ძალადობამ სუიციდის მცდელობამდე მიიყვანა, ის სახლის მეორე სართულიდან გადახტა, რა დროსაც სხეულის დაზიანება მიიღო.

მომხდარზე გამოძიება თვითმკვლელობამდე მიყვანისა და ძალადობის მუხლებით მიმდინარეობს.