აბაშაში ბანკის გაძარცვა სცადეს

აბაშაში, გუშინ ღამით, ბანკის გაძარცვა სცადეს. არსებული ინფორმაციით, მძარცველებმა „კრისტალ ბანკის“ ინვენტარი დაამტვრიეს, მათ შორის ტელევიზორი და კომპიუტერები.

ამასთან, გავრცელებული ცნობით, შემდუღებელი აპარატით საცავის გახსნას ცდილობდნენ, თუმცა ვერ გახსნეს.

ასევე, როგორც ცნობილია, მძარცველებმა ბანკიდან თანხის და ინვენტარის წაღება ვერ მოახერხეს. მიმდინარეობს გამოძიება.