სტიქია კახეთში - ძლიერმა ქარმა და წვიმამ ახმეტასა და თელავში პრობლემები შექმნა

ძლიერმა ქარმა და წვიმამ პრობლემები შექმნა ახმეტასა და თელავში.

ძლიერმა ქარმა ახმეტის მუნიციპალიტეტში რამდენიმე საცხოვრებელი სახლის სახურავი დააზიანა, მოგლიჯა ხეები, დაწყვიტა ელექტროგადამცემი ხაზები.

ადგილზე მობილიზებულია საგანგებო სიტუაციების მართვის სამსახურის სამაშველო ჯგუფები და მერიის ყველა შესაბამისი სამსახური. ამ ეტაპზე, მიმდინარეობს მოგლეჯილი ხეებისგან გზების გაწმენდის სამუშაოები.
საავტომობილო მოძრაობაა შეფერხებული თელავი- გურჯაანის დამაკავშირებელ გზაზეც.

მოძრაობას საპატრულო პოლიციის ეკიპაჟი აკონტროლებს, რომელიც შეზღუდვის შესახებ მძღოლებს აფრთხილებს.უამინდობა კახეთში დაახლოებით ნახევარ საათს გაგრძელდა.