1784212138

თელავში, 5 წლის სანდრომ ველოსიპედის საყიდლად შეგროვებული თანხა მოხალისეებს გადასცა

თელავში, სტიქიის სალიკვიდაციო სამუშაოების მიმდინარეობისას, 5 წლის სანდრო ბაბუხაძემ ველოსიპედის საყიდლად შეგროვილი ფული მოხალისეებს გადასცა.მოხალისეთა დახმარების კარვის შექმნის ინიციატორი მაკა მოსიაშვილი წერს, რომ სანდრო მოხალისეებთან საკუთარი ყულაბით მივიდა.„ვიცი, აქ ველოსიპედი ვერ ივლის და ამიტომ. ჯერ გზა უნდა გააკეთონ. მოხალისეებს მოგიტანეთ, რომ ჩემი ფული დახარჯოთ. ჯერ არ ვარ დიდი, რომ ფიზიკურად დაგეხმაროთო. ამ პატარა ბიჭმა დღეს ყველას შეგვახსენა, რომ დახმარებისთვის ასაკი არ არსებობს. არსებობს მხოლოდ დიდი გული, რომელსაც სხვისი ტკივილი საკუთარ ტკივილად მიაქვს-ამბობს მოსიაშვილი.მოხალისეთა დახმარების კარავი თელავში რამდენიმე დღეა დგას და მსურველებს საჭირო ნივთები, საკვები და თანხა მიაქვთ.შეგახსენებთ, 12 ივლისს ადიდებულმა თელავის ხევმა კავკასიონის ქუჩა და ალაზნის გამზირი წალეკა, დატბორა სახლები და სავაჭრო ობიექტები, დაანგრია ინფრასტრუქტურა.

1784053969

იტალიაში ქართველი ემიგრანტი გარდაიცვალა

იტალიის ქალაქ ნაპოლში 36 წლის ქართველი ემიგრანტი, ვანო ელოშვილი გარდაიცვალა. ელოშვილი ყვარლის მუნიციპალიტეტის სოფელ შილდის მკვიდრია.ის ბოლო რამდენიმე წლის განმავლობაში იტალიაში სამუშაოდ იმყოფებოდა.ნათესავების ინფორმაციით, მამაკაცი სამსახურში არ გამოცხადდა. რის შემდეგაც თანამშრომლებმა მოიკითხეს და საცხოვრებელ სახლში გარდაცვლილი იპოვეს.წინასწარი ინფორმაციით, გარდაცვალების სავარაუდო მიზეზად გულის შეტევა სახელდება.გარდაცვლილის საქართველოში გადმოსვენების საკითხზე ოჯახმა საელჩოს იტალიაში უკვე მიმართა.

1783926208

თელავში, სტიქიის სალიკვიდაციო სამუშაოებში ცოცხალი ძალა ჩაერთვება

თელავში, სტიქიის სალიკვიდაციო სამუშაოებში ცოცხალი ძალა ჩაერთვება. ქალაქის გაწმენდის სამუშაოებში ქართული ოცნების ახალგაზრდული ორგანიზაციის წევრები მიიღებენ მონაწილეობას. პროცესში ჩაერთვებიან მუნიციპალიტეტის თანამშრომლებიც. უკვე გააკეთეს განცხადებები მოხალისეებმაც.გაწმენდითი სამუშაოები დილიდან განახლებულია და კავკასიონის ქუჩა, რომელიც ნარჩენებითა და ქვებით იყო ჩახერგილი, უკვე გასუფთავებულია.ადგილზე მობილიზებულია მძიმე ტექნიკა, რომელიც კალაპოტს ასუფთავებს და ნაპირსამაგრ სამუშაოებს ასრულებს.ქალაქში თითქმის სრულად აღდგა ელექტროენერგიის, ნუნებრივი აირისა და წყლის მიწოდება.შეგახსენებთ, გუშინ, ღამით, ადიდებულმა თელავის ხევმა მასშტაბური ზიანი მიაყენა თელავის ნაწილსა და რამდენიმე სოფელს. განადგურებულია ინფრასტრუქტურა, დატბორილია საცხოვრებელი კორპუსები და ვენახები. მთავრობის წევრების ჩართულობით, თელავში სალიკვიდაციო შტაბი მუშაობს.

1783856340

განახლებული ინფორმაცია კახეთიდან, სადაც სალიკვიდაციო სამუშაოები რამდენიმე საათია უწყვეტად მიმდინარეობს

სტიქიის ზონაში სალიკვიდაციო სამუშაოები რამდენიმე საათია უწყვეტად მიმდინარეობს.ადგილზე მობილიზებულია მძიმე ტექნიკა, რის საშუალებითაც ჩახერგილი გზები იწმინდება.სტიქიის ზონაში ჩავიდნენ მინისტრთა კაბინეტის წევრები. ადგილზე იმყოფებიან, ინფრასტრუქტურის, რეგიონული განვითარებისა და გარემოს დაცვისა და სოფლის მეურნეობის მინისტრები, ასევე საპარლამენტო უმრავლესობის წევრები. ისინი ადგილზე გაეცნენ არსებულ მდგომარეობას. ამ დროისათვის სტიქიის ზონაში, წყლის დონემ იკლო და ადიდებულ ხევზე მძიმე ტექნიკის დახმარებით, დროებით ნაპირდამცავი კალაპოტი მოეწყო. წყალდიდობის შედეგად თელავში განადგურებულია ინფრასტრუქტურა, დანგრეულია ხიდები, დატბორილია საცხოვრებელი კორპუსები , კომერციული დაწესებულებები და სხვადასხვა დანიშნულების შენობები.ქალაქში ვითარება ღამის სამ საათზე მკვეთრად გაუარესდა. განსაკუთრებით მძიმე მდგომარეობაა კავკასიონის დასახლებაში.ქალაქის ნაწილს, ჯერ კიდევ არ მიწოდება ელექტრო ენერგია და ბუნებრივი აირი.

1783770258

თელავში 17 წლის ბიჭი დაჭრეს

თელავში 17 წლის არასრულწლოვანი დაჭრესშემთხვევა გვიან ღამით, ალაზნის გამზირზე მოხდა.ადგილობრივების  ინფორმაციით, კონფლიქტი საცხოვრებელი კორპუსის სადარბაზოში დაიწყო.დაპირისპირებდე,  კორპუსის ერთ- ერთმა  მცხოვრებმა  ახალგაზრდებს შენიშვნა მისცა, რასაც ჯერ სიტყვიერი შელაპარაკება და შემდეგ ფიზიკური დაპირისპირება მოჰყვა.ინციდენტის დროს ერთ-ერთმა პირმა მეორე ცივი იარაღით, ყელის არეში დაჭრა.არასრულწლოვანი თელავის რეფერალურ საავადმყოფოში გადაიყვანეს, სადაც მას შესაბამისი სამედიცინო დახმარება გაეწია. გამოძიება სისხლის სამართლის კოდექსის 118-ე და 126-ე მუხლებით მიმდინარეობს, რაც ოთხ წლამდე ვადით თავისუფლების აღკვეთას ითვალისწინებს.  

1783676495

სოფელ ვეჯინში მომხდარი დაჭრის ფაქტზე, რომელშიც პოლიციის თანამშრომელი ფიგურირებს, პროკურატურამ გამოძიება დაიწყო

გურჯაანის მუნიციპალიტეტის სოფელ ვეჯინში მომხდარი დაჭრის ფაქტზე გამოძიება საქართველოს პროკურატურამ დაიწყო, ვინაიდან საქმეში პოლიციის თანამშრომელი ფიგურირებს.უწყებაში განმარტავენ, რომ გამოძიება სისხლის სამართლის კოდექსის 120-ე მუხლის პირველი ნაწილით დაიწყო, რაც ჯანმრთელობის განზრახ მსუბუქ დაზიანებას გულისხმობს.მათივე ცნობით, ამ ეტაპზე დაკავებული არავინ არის.შეგახსენებთ, შემთხვევა სოფელ ვეჯინში გასულ ღამეს მოხდა. ადგილობრივების ინფორმაციით, პოლიციის თანამშრომლის, ვახტანგ მთივლიშვილის მამას სოფელ ჩუმლაყიდან ვეჯინში მიაკითხეს.მხარეებს შორის დპირისპირების შემდეგ, მთივლიშვილმა მამის დასაცავად, ცეცხლსასროლი იარაღიდან გაისროლა და ერთი პირი დაჭრა.დაჭრილი მამაკაცი გურჯაანის კლინიკაში მკურნალობს.

1783618510

ლაგოდეხში ავარიას ახალგაზრდა კაცი ემსხვერპლა

მსხვერპლით დასრულდა ავტოსაგზაო შემთხვევა ლაგოდეხის მუნიციპალიტეტში - დაღუპულია 25 წლის ახალგაზრდა.შემთხვევა სოფელ ცხაკაიასთან მოხდა.ადგილობრივების ინფორმაციით, სოფელ არეშფერანში მცხოვრები ვახო ხუციშვილი მსუბუქი ავტომობილით მეგობართან ერთად გადაადგილდებოდა. მამაკაცმა საჭე ვერ დაიმორჩილა და სატვირთო მიკროავტობუსს შეეჯახა.ხუციშვილი ადგილზე დაიღუპა, მის გვერდით მყოფი პირი კი დაშავდა. დაშავებული სამედიცინო დაწესებულებაშია გადაყვანილი.მომხდარზე გამოძიება სისხლის სამართლის კოდექსის 276-ე მუხლით მიმდინარეობს, რაც ტრანსპორტის მოძრაობის უსაფრთხოების ან ექსპლუატაციის წესების დარღვევას გულისხმობს.

1783499674

სტიქიამ საგარეჯოში ელექტროგადამცემი ხაზები დააზიანა - 12 საათზე მეტია, მოსახლეობის ნაწილს ელქტროენერგია არ მიეწოდება

ძლიერი წვიმის, ქარისა და ჭექა-ქუხილის შედეგად, საგარეჯოში ელექტროგადამცემი ხაზები დაზიანდა.12 საათზე მეტია, მოსახლეობის ნაწილს ელქტროენერგია არ მიეწოდება.„ენერგო-პრო ჯორჯიას“ ინფორმაციით, ტექნიკური სამსახური აღდგენით სამუშაოებს უკვე ახორციელებს.კომპანიის ცნობით, ოთხი ფიდერიდან სამი უკვე აღდგენილია, მეოთხეზე კი სამუშაოები მიმდინარეობს.მოსახლეობისათვის ელექტროენერგიის მიწოდების აღდგენა დღის პირველ ნახევარში იგეგმება.

1783175416

სტიქია კახეთში - დატბორილია სახლები და სარდაფები

ძლიერი წვიმის შედეგად, ახმეტის მუნიციპალიტეტის სოფელ მატანში მოსახლეობას საცხოვრებელი სახლები და სარდაფები დაიტბორა. ადგილობრივების ინფორმაციით, ნალექმა მოსახლეობის გარკვეულ ნაწილს საკმაოდ დიდი ზიანი მიაყენა.კახეთში უამინდობას სინოპტიკოსები ორი დღის განმავლობაში ვარაუდობენ.

1783089345

დაშავებულია ორი არასრულწლოვანი - დედოფლისწყაროში ერთმანეთს ელექტროსკუტერი და მანქანა შეეჯახა

დედოფლისწყაროში, ელექტროსკუტერით მოძრავ ორ არასრულწლოვანს მსუბუქი ავტომობილი შეეჯახა.შემთხვევა იმ დროს მოხდა, როცა მოზარდები ქუჩის გადაკვეთას ცდილობდნენ.შეჯახების შედეგად დაშავებულები სასწრაფო-სამედიცინო დახმარების ბრიგადამ თავდაპირველად დედოფლისწყაროს კლინიკაში მოათავსა, თუმცა ტრავმების სირთულის გამო, არასრულწლოვნებს კატასტროფის ბრიგადა თბილისში გადაიყვანს.მომხდარზე დაწყებულია გამოძიება.

1782815580

მოქალაქე ნოდარ რაქვიაშვილი სოციალურ ქსელში დაწერილი შეურაცხმყოფელი კომენტარისთვის სასამართლომ 2000 ლარით დააჯარიმა

სიძულვილის ენის გამოყენების ფაქტებზე ადმინისტრაციული საქმეების განხილვა აქტიურად გრძელდება.დღეს პროცესი გურჯაანის რაიონულ სასამართლოში გაიმართა. საქმე სოციალურ ქსელში მოქალაქე ნოდარ რაქვიაშვილის მიერ გაკეთებულ შეურაცხმყოფელ კომენტარს ეხება.მან შეურაცხყოფა მიაყენა საპარლამენტო უმრავლესობის ლიდერს, ირაკლი კირცხალიას.მოსამართლემ ნოდარ რაქვიაშვილი სამართალდამრღვევად ცნო და მას 2000-ლარიანი ჯარიმა დააკისრა.

1782800353

სოფელ გომბორში დაკარგული კაცი ცოცხალი იპოვეს

საგარეჯოს მუნიციპალიტეტის სოფელ გომბორში დაკარგული 77 წლის ელიბო ხიზანიშვილი ცოცხალი იპოვეს.ოჯახის წევრების განმარტებით, მამაკაცი, ტყეში გადაადგილებისას, რთულად მისადგომ ადგილას ჩავარდა და დამოუკიდებლად ამოსვლა ვეღარ შეძლო.ხიზანიშვილის ჯანმრთელობის მდგომარეობა დამაკმაყოფილებელია. ის, ცოტა ხანში, საცხოვრებელ სახლში დაბრუნდება.შეგახსენებთ, ელიბო ხიზანიშვილი 28 ივნისს, სახლიდან სოკოს საკრეფად გავიდა და უკან აღარ დაბრუნდა.სამძებრო ოპერაციაში ოჯახის წევრებთან ერთად, პოლიცია, მაშველები და ადგილობრივი მოსახლეობა მონაწილეობდა.