1785661740

თელავში ძლიერი შეჯახების შემდეგ, ავტომობილები იქვე გაჩერებულ სატვირთოებს დაეჯახნენ - არიან დაშავებულები

თელავის მუნიციპალიტეტში ავტოსაგზაო შემთხვევის შედეგად სამი ადამიანი დაშავდა, მათგან ორი კლინიკაშია გადაყვანილი. შემთხვევა, გვიან ღამით, სოფელ კონდოლთან მოხდა.ერთმანეთს BMW და Opel-ის მარკის მსუბუქი ავტომობილები შეეჯახა.ძლიერი შეჯახების შემდეგ, ავტომობილები იქვე გაჩერებულ სატვირთოებს დაეჯახნენ, რამაც მთლიანობაში ოთხი სატრანსპორტო საშუალება დააზიანა.თელავის რეფერალური საავადმყოფოს მენეჯერის, ხათუნა ჭონიაშვილის ინფორმაციით, ახალგაზრდა მამაკაცს სიცოცხლესთან შეუთავსებელი დაზიანებები არ აქვს და მისი ჯანმრთელობის მდგომარეობა სტაბილურია.მეორე დაშავებული, ასაკოვანი მამაკაცი თელავის ცენტრალურ საავადმყოფოში იმყოფება და ექიმების განმარტებით, მისი მდგომარეობა სტაბილურია.ადგილზე მობილიზებული იყვნენ საპატრულო პოლიციის, საგანგებო სიტუაციების მართვის სამსახურის, სამაშველო ჯგუფებისა და სახანძრო-სამაშველო ბრიგადების თანამშრომლები.ავტოსაგზაო შემთხვევის ზუსტ მიზეზს გამოძიება დაადგენს.

1785613281

ამერიკაში ქართველი ემიგრანტი გარდაიცვალა

ამერიკაში ქართველი ემიგრანტი, 61 წლის ნანა ლაჩაშვილი გარდაიცვალა.ინფორმაციას ამის შესახებ ახლობლები და ამერიკაში მცხოვრები ქართველი ემიგრანტები ავრცელებენ.ლაჩაშვილი წარმოშობით თელავის მუნიციპალიტეტის სოფელ იყალთოდან იყო. ის წლების განმავლობაში ნიუ-იორკში, ბრუკლინში ცხოვრობდა და მუშაობდა.ახლობლები ამბობენ, რომ გარდაცვალების მიზეზი გულის შეტევა გახდა. ნანა ლაჩაშვილს რამდენიმე წლის წინ ახალგაზრდა ვაჟი გარდაეცვალა.სამგლოვიარო ცერემონია 1 აგვისტოს, ბრუკლინში გაიმართება

1785515326

ავარია დედოფლისწყაროში - 64 წლის კაცი მძიმედ დაშავდა

დედოფლისწყაროს მუნიციპალიტეტის სოფელ ქედის მიმართულებით მიმავალი ტრაილერი ხეს შეეჯახა.64 წლის მამაკაცი, რომელიც სატვირთოს მართავდა, მძიმედ დაშავდა.დაშავებული სასწრაფო სამედიცინო დახმარების ბრიგადამ დედოფლისწყაროს კლინიკაში გადაიყვანა.ექიმების ინფორმაციით, მამაკაცს თავის ღია ჭრილობა და მრავლობითი ტრავმები აღენიშნება.მომხდარ ფაქტზე გამოძიება დაიწყო.

1785329220

თელავში, ერეკლე II-ის ძეგლის მიმდებარედ „ბატონის წყალზე“, არასრულწლოვანს დენმა დაარტყა

თელავში, ერეკლე II ძეგლის მიმდებარედ „ბატონის წყალზე“, არასრულწლოვანს დენმა დაარტყა. შემთხვევა გუშინ საღამოს მოხდა. მოზარდის სიცოცხლეს საფრთხე არ ემუქრება. შემთხვევის ადგილზე წყლის საქაჩი ტუმბო იყო განთავსებული და არის ვარაუდი, რომ მოწყობილობა, შესაძლოა, უსაფრთხოების წესების დაცვის გარეშე ფუნქციონირებს.ადგილობრივები შესაბამის უწყებებს მოუწოდებენ, ადგილზე შემოწმდეს მოწყობილობა, რომ მსგავსი შემთხვევები ფატალურად არ დასრულდეს.ბატონის წყალი თელავის ერთ-ერთი ისტორიული ღირსშესანიშნაობაა.1961 წელს ისტორიულ წყაროს რეაბილიტაცია ჩაუტარდა.

1785139872

რას ჰყვებიან ახლობლები 6 თვის ორსულის გარდაცვალების შესახებ - ფაქტზე გამოძიება დაიწყო

თბილისში, ღუდუშაურის კლინიკაში 6 თვის ორსული, თამარ ურჩუხიშვილი გარდაიცვალა. გარდაცვლილი წარმოშობით თელავის მუნიციპალიტეტის სოფელ ნასამხრალიდან იყო.ურჩუხიშვილის ახლობლები ჰყვებიან, რომ ქალი კლინიკაში თავდაპირველად მუცლის ძლიერი ტკივილით შეიყვანეს, სადაც ერთი კვირის განმავლობაში მკურნალობდა. მოგვიანებით ის გაწერეს, თუმცა მდგომარეობის გაუარესების შემდეგ კლინიკაში ხელახლა დააბრუნეს.ექიმებმა საბოლოოდ ნაწლავის პრობლემის დიაგნოზი დასვეს, თუმცა ამ დროისათვის ნაყოფი უკვე დაღუპული აღმოჩნდა. ქირურგიული ოპერაციის შემდეგ, ქალს სეფსისი განუვითარდა და მისი გადარჩენა ვერ მოხერხდა.ფაქტზე გამოძიება დაიწყო. ამოღებულია სამედიცინო დოკუმენტაცია და კომპიუტერული მასალა. საქმეს ასევე სწავლობს ჯანდაცვის სამინისტროს რეგულირების სააგენტო.თამარ ურჩუხიშვილის ცხედარს ექსპერტიზა უკვე ჩაუტარდა. გარდაცვლილს სოფელ ნასამხრალში დაკრძალავენ.

1785094044

ცნობილია ახალგაზრდა ქალის ვინაობა, რომელიც ყვარელში ავარიას ემსხვერპლა

ყვარლის მუნიციპალიტეტში, ალაზნის ხიდთან მომხდარ ავტოსაგზაო შემთხვევას 29 წლის მარიამ სვიმონიშვილი ემსხვერპლა.ახალგაზრდა ქალი ყვარლის მუნიციპალიტეტის სოფელ გავაზის მკვიდრია. სვიმონიშვილი ავარიის შემდეგ გურჯაანის „ჯეო ჰოსპიტალსში“ გადაიყვანეს.კლინიკის მენეჯერი, გიორგი შათირიშვილი განმარტავს, რომ საავადმყოფოში შეყვანისას პაციენტი უმძიმეს მდგომარეობაში იყო და სიცოცხლესთან შეუთავსებელი დაზიანებები აღენიშნებოდა.ექიმების რამდენიმესაათიანი მცდელობის მიუხედავად, მისი გადარჩენა ვერ მოხერხდა.რაც შეეხება დანარჩენ დაშავებულებს, მედიკოსების ინფორმაციით, მათი ჯანმრთელობის მდგომარეობა ამ ეტაპზე სტაბილურია.შეგახსენებთ, ავტოსაგზაო შემთხვევა დღეს დილით, ყვარლის მუნიციპალიტეტში, ალაზნის ხიდთან მოხდა.ერთმანეთს ორი მსუბუქი ავტომობილი შეეჯახა, რის შედეგადაც რამდენიმე ადამიანი, მათ შორის ორი არასრულწლოვანი დაშავდა.

1785080663

ყვარელში, ავარიისას დაშავებული 29 წლის ქალი გარდაიცვალა

ყვარლის მუნიციპალიტეტში, ავტოსაგზაო შემთხვევის შედეგად დაშავებული 29 წლის ქალი გარდაიცვალა.ქალი რამდენიმე საათის განმავლობაში გურჯაანის „ჯეოჰოსპიტალსის“ კლინიკაში მკურნალობდა. ექიმების ინფორმაციით, სამედიცინო დაწესებულებაში შეყვანისას მისი ჯანმრთელობის მდგომარეობა კრიტიკული იყო.რაც შეეხება ავარიის შედეგად დაშავებულ სხვა პირებს, მათი ჯანმრთელობის მდგომარეობა სტაბილურია.ავტოსაგზაო შემთხვევა დღეს დილით, ყვარლის მუნიციპალიტეტში, ალაზნის ხიდთან მოხდა. ერთმანეთს ორი მსუბუქი ავტომობილი შეეჯახა, რის შედეგადაც ორივე ავტომობილში მყოფმა მგზავრებმა სხვადასხვა სახის დაზიანება მიიღეს.მომხდარ ფაქტზე გამოძიება მიმდინარეობს.

1785075636

ავარიის შედეგად გურჯაანში 4 ადამიანი დაშავდა - მათგან მძიმეა ახალგაზრდა ქალის მდგომარეობა

ალაზნის ხიდთან ერთმანეთს ორი მსუბუქი ავტომობილი შეეჯახა. შეჯახება იმდენად ძლიერი აღმოჩნდა, რომ დაშავებულები სხვადასხვა სახის დაზიანებებით, სასწრაფო-სამედიცინო დახმარების ბრიგადებმა გურჯაანის „ჯეოჰოსპიტალსის” კლინიკაში გადაიყვანეს. კლინიკის მენეჯერის, გიორგი შათირიშვილის განმარტებით, მედიკოსები ამ წუთებში ქალის მდგომარეობის დასტაბილურებას ცდილობენ.თბილისში მისი გადაყვანის საჭიროება, მოგვიანებით გაირკვევა.ავარიის ზუსტი მიზეზების დასადგენად, შემთხვევის ადგილზე სამართალდამცავები მუშაობენ.

1784981846

ახალგაზრდა კაცი, რომელსაც ოჯახი ახმეტაში ეძებდა გარდაცვლილი იპოვეს

ახმეტის მუნიციპალიტეტის სოფელ ქვემო ალვანში მცხოვრები 28 წლის ავთო მარხვაიძე გომეწრის ხეობაში, სოფელ ბეღელას მიმდებარედ, გარდაცვლილი იპოვეს.ოჯახის ამბობს,  ახალგაზრდა კაცი თუშეთის სოფელ ჯვარბოსელში, დღეობაზე მიდიოდა, თუმცა დანიშნულების ადგილამდე ვერ მიაღწია. ადგილობრივების  განმარტებით, რომ მარხვაიძე ჯვარბოსელის მიმდებარე ტერიტორიაზე საღამოს ჩავიდა. მათი ვარაუდით, სწორედ ამ მონაკვეთზე, ხიდზე გადასვლისას, ის წყალში გადავარდა.ავთო მარხვაიძეს რამდენიმე დღის განმავლობაში ეძებდნენ. მისი ცხედარი სამძებრო ოპერაციაში ჩართულმა ადგილობრივებმა აღმოაჩინეს.

1784924215

ცნობილი ხდება შვილის მიერ მოკლული მამის ვინაობა - დანაშაულის დეტალები

ახმეტის მუნიციპალიტეტის სოფელ ზემო ალვანში მოკლული მამაკაცი 70 წლამდე ასაკის ფილიპე ლაგაზიძეა.მამაკაცი მეუღლესთან ერთად სოფელში მოქმედ მატყლის საამქროში მუშაობდა.ადგილობრივების ინფორმაციით, შემთხვევა წუხელ, იმ დროს მოხდა, როდესაც მამაკაცის მეუღლე პურის საცხობში იყო გასული.გარდაცვალებამდე რამდენიმე წუთით ადრე, ფილიპე ლაგაზიძე ეზოში საქონელს უვლიდა, როცა შვილმა, სავარაუდოდ, რკინის ნაჭრით, თავის არეში დაზიანებები მიაყენა.მამაკაცი ადგილზე გარდაიცვალა.ბრალდებულმა კვალის დაფარვის მიზნით, ცხედარი საცხოვრებელ სახლთან ახლოს მდებარე ნაკვეთში გადაიტანა, ორმო გათხარა და დამარხა.გაუჩინარებული ქმრის ძებნა, სახლში დაბრუნებულმა ქალმა დაიწყო და მოგვიანებით, ცხედარი დამარხული აღმოაჩინეს.პოლიციამ ბრალდებული ცხელ კვალზე დააკავა. დანაშაულის ჩადენის იარაღი ნივთმტკიცებად არის ამოღებული.ბრალის დადასტურების შემთხვევაში, მამაკაცს 20 წლამდე ვადით, ან უვადო თავისუფლების აღკვეთა ემუქრება.

1784837568

„სამსახურში არ გამოცხადდა და თანამშრომლებმა სახლში მიაკითხეს...“ - იტალიაში გარდაცვლილ ემიგრანტს სამშობლოში 25 ივლისს გადმოასვენებენ

იტალიის ქალაქ ნეაპოლში გარდაცვლილ 36 წლის ვანო ელოშვილს საქართველოში 25 ივლისს ჩამოასვენებენ. იმავე დღეს ცხედარს ყვარლის მუნიციპალიტეტის სოფელ შილდაში გადაასვენებენ და საგვარეულო სასაფლაოზე დაკრძალავენ.ვანო ელოშვილი ყვარლის მუნიციპალიტეტის სოფელ შილდის მკვიდრი იყო. ახალგაზრდა კაცი ბოლო წლების განმავლობაში ნეაპოლში იმყოფებოდა.ელოშვილის ცხედარი საცხოვრებელ სახლში მას შემდეგ იპოვეს, რაც ის სამსახურში არ გამოცხადდა და თანამშრომლებმა მიაკითხეს. გარდაცვალების მიზეზად გულის შეტევა დასახელდა.ახლობლების თქმით, ელოშვილი ზღვის სანაპიროზე მუშაობდა და ვარაუდობენ, რომ ძლიერმა სიცხემ მისი ჯანმრთელობის მდგომარეობა გააუარესა.ვანო ელოშვილის საქართველოში გადმოსვენების პროცედურებს იტალიაში საქართველოს საელჩო უზრუნველყოფს.

1784649072

ავარია თელავში - დაშავებული კლინიკაშია გადაყვანილი

თელავში, რუსთაველის ქუჩაზე, ავტოსაგზაო შემთხვევა მოხდა. ერთმანეთს ჯიპი და მოპედი შეეჯახა.შეჯახების შედეგად დაშავდა მოპედის მძღოლი, რომელიც სასწრაფო-სამედიცინო დახმარების ეკიპაჟმა სხვადასხვა სახის დაზიანებით, კლინიკაში გადაიყვანა.შემთხვევის ადგილზე სამართალდამცველები იყვნენ მობილიზებული. მომხდარზე გამოძიება სისხლის სამართლის კოდექსის 276-ე მუხლით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.