გაფრთხილება! ზვავსაშიშროების გამო, გზის ამ მონაკვეთზე მოძრაობა აიკრძალა

საავტომობილო გზების დეპარტამენტი მძღოლებს გზებზე არსებული აკრძალვების შესახებ აფრთხილებს.

,,გარემოს ეროვნული სააგენტოს ცნობით, საერთაშორისო მნიშვნელობის მცხეთა–სტეფანწმინდა–ლარსის საავტომობილო გზის გუდაური(ფოსტა)–კობის მონაკვეთზე ზვავსაშიშროების საფრთხის დონე მაღალია, რის გამოც აღნიშნულ მონაკვეთზე აკრძალულია ყველა სახის ავტოტრანსპორტის მოძრაობა.

გარემოს ეროვნული სააგენტოს ცნობით, მლეთა-გუდაურის მონაკვეთზე ავტოტრანსპორტის მოძრაობა განხორციელდება გაუჩერებლად გავლის რეჟიმში", - აღნიშნულია განცხადებაში.