ფოთში სააღდგომოდ სასაფლაოების მოწესრიგების სამუშაოები ინტენსიურად მიმდინარეობს

აღდგომის დღესასწაულთან დაკავშირებით, ფოთის მუნიციპალიტეტში სასაფლაოების მოწესრიგების სამუშაოები აქტიურ რეჟიმში მიმდინარეობს. მუნიციპალიტეტის მასშტაბით დასრულებულია სასაფლაოებამდე მისასვლელი გზების მოწყობა.

ამ ეტაპზე ხორციელდება შიდა პერიმეტრის გაწმენდა-დასუფთავება და სასაფლაოების ტერიტორიებიდან ნარჩენების გატანა. აღსანიშნავია, რომ ა(ა)იპ ქალაქ ფოთის მუნიციპალიტეტის სასაფლაოების ცენტრი სისტემატურ რეჟიმში უზრუნველყოფს მუნიციპალიტეტის ტერიტორიაზე არსებული სასაფლაოების გაწმენდა-დასუფთავებას.