ახალციხის მერიის მხარდაჭერით, ვალეში სხვადასხვა პროფილის ექიმებმა მოსახლეობას უფასო სამედიცინო მომსახურება გაუწიეს

 ქალაქ ვალეში ახალციხის რეფერალური ჰოსპიტალის სხვადასხვა პროფილის ექიმებმა მოსახლეობას უფასო სამედიცინო მომსახურება გაუწიეს. უფასო გასინჯვების მიმდინარეობას ადგილზე გაეცნო ახალციხის მუნიციპალიტეტის მერი.

მოსახლეობას სამედიცინო კონსულტაციებს უწევდნენ კარდიოლოგი, ექოსკოპიის სპეციალისტი, ქირურგი, ყელ-ყურ-ცხვირის ექიმი და ნეიროქირურგი. სამედიცინო აქცია ახალციხის მუნიციპალიტეტის მერიის მხარდაჭერით, ვალეს კულტურის სახლის შენობაში გაიმართა.

მსგავსი სახის უფასო სამედიცინო აქციები მუნიციპალიტეტის სხვადასხვა დასახლებაშიც გაგრძელდება.

„უფასო სამედიცინო აქცია გაიმართა ქალაქ ვალეში, მოქალაქეებმა უფასოდ ჩაიტარეს კვლევები სხვადასხვა მიმართულებით. ძალიან მნიშვნელოვანია მსგავსი სახის აქციები და აუცილებლად გაგრძელდება მომავალშიც“, - განაცხადა ახალციხის მუნიციპალიტეტის მერმა ვარლამ წიკლაურმა.