რატომ უნდა გაყინოთ ყავის მარცვლები

 ყავის მარცვლების გაყინვა ერთ–ერთი ყველაზე სადავო, მაგრამ საინტერესო მეთოდია მათი არომატის შესანარჩუნებლად. პროფესიონალი ბარისტებისა და სპეციალიზებული ყავის მკვლევრების ნაწილი ამ პრაქტიკას აქტიურად იყენებს, განსაკუთრებით მაშინ, როცა საქმე ძვირად ღირებულ ან ლიმიტირებულ გამოშვებას ეხება.

რატომ ყინავენ ყავის მარცვლებს?

არომატის შენარჩუნება
ყავის მარცვლები შეიცავს ასობით არომატულ ნაერთს (volatile compounds), რომლებიც დროთა განმავლობაში ორთქლდება. გაყინვისას ქიმიური რეაქციები მნიშვნელოვნად ნელდება. დაბალი ტემპერატურა ამცირებს ოქსიდაციის ( რაიმე ნივთიერების შეერთება ჟანგბადთან)  სიჩქარეს და ანელებს არომატული ნაერთების დაშლას. ამასთანავე,  გაყინული მარცვალი უფრო მყარია.

 ყავის გაყინვის იდეას ბევრი მხარდამჭერი ჰყავს, თუმცა, ყავის სამყაროში ეს საკმაოდ საკამათო პრაქტიკად ითვლება და მოწინააღმდეგეც ბევრი გამოუჩნდა.