რა არის მიდგომა „შეჭამე ბაყაყი" და როგორ იყენებენ მას წარმატებული ადამიანები

თუ გაგიგონიათ ასეთი მიდგომა, სახელწოდებით „შეჭამე ბაყაყი“?! რაოდენ უცნაურადაც არ უნდა ჟღერდეს მისი სახელი, ეს საკმაოდ სასარგებლო მეთოდია, რომელიც დროის უკეთესად გადანაწილებაში დაგეხმარებათ.  მიდგომის - „შეჭამე ბაყაყი“ უკან იმალება ოქროს წესი, რომელიც გულისხმობს  „აკეთო დღის ყველაზე ცუდი, არასასიამოვნო საქმე,  როცა გაიღვიძებ“. ამ მეთოდის სახელი მარკ ტვენის ციტატიდან მომდინარეობს. ამერიკელმა მწერალმა ერთხელ თქვა - თუ ამფიბიის ჭამა გჭირდებათ, ეს უნდა გააკეთოთ გაღვიძებიდან მალევე, რათა დღის ყველაზე ცუდი ნაწილი უკან დარჩეს.  იმისთვის რომ „შეჭამოთ ბაყაყი“: დღის ყველაზე არასასიამოვნო საქმე წინასწარ უნდა დაგეგმოთ და პირველად სწორედ ის უნდა მოაგვაროთ. ასე მოქცევა  დღის განმავლობაში მუშაობის პროცესს უფრო გაგიადვილებთ -  რადგან ყველაზე ცუდი და რთული ამოცანები უკვე შესრულებული გექნებათ.