ვიმედოვნებ, რომ პოლიტიკური პარტიები იპოვიან ერთად მუშაობის გზებს პარლამენტში - საფრანგეთის ელჩი

საქართველოში საფრანგეთის ელჩი დიეგო კოლასი აცხადებს, რომ მნიშვნელოვანია, პოლიტიკურმა პარტიებმა მოიკრიბონ ენერგია და იპოვონ პარლამენტში ერთად მუშაობის გზები.

„მნიშვნელოვანი და საინტერესო შეხვედრა იყო. ჩვენი პოლიტიკა საქართველოში არის ქვეყნის მხარდაჭერის პოლიტიკა. ჩვენ ვართ საქართველოს ევროპულ სახელმწიფოდ ქცევის ტრანსფორმაციის პროცესში, რათა დავუახლოოთ საქართველო ევროკავშირს. აქედან გამომდინარე, ჩვენ მხარს ვუჭერთ რეფორმების განხორციელებას. მნიშვნელოვანია, რომ ყველა პოლიტიკურმა ძალამ მოიკრიბოს ენერგია. ვიმედოვნებ, რომ ისინი იპოვნიან ერთად მუშაობის გზებს პარლამენტში“, - აცხადებს საფრანგეთის ელჩი.