საგამოძიებო კომისიის ანგარიშთან დაკავშირებით დადგენილების პროექტს პარლამენტი დღეს დაამტკიცებს

საგამოძიებო კომისიის ანგარიშთან დაკავშირებით დადგენილების პროექტს პარლამენტი დღეს დაამტკიცებს.

კომისიის დასკვნა კანონმდებლებს თეა წულუკიანმა გუშინ, საშემოდგომო სესიის გახსნაზე წარუდგინა.

მმართველ გუნდში ამბობენ, რომ კომისიის რამდენიმეთვიანმა მუშაობამ "ნაციონალური მოძრაობისა" და არა მხოლოდ მათი, ლუსტრაცია მოახდინა და ამ ფაქტს, პირველ რიგში, საკანონმდებლო ორგანოს მხრიდან შესაბამისი შეფასება და სამართლებრივი პასუხი სჭირდება.

საპარლამენტო პოლიტიკური ჯგუფის ”ხალხის ძალა” თავმჯდომარის მოადგილის, ეკა სეფაშვილის განცხადებით, საგამოძიებო კომისიის დასკვნა საფუძვლად დაედება პოლიტიკური განაჩენის გამოტანას.

"საგამოძიებო კომისიის დასკვნა, შემდეგი მსვლელობისათვის გადაეცემა საკონსტიტუციო სასამართლოს, ასევე ეს გადაეცემა პროკურატურას, რადგან მასში მოყვანილი ფაქტები იწვევს დამატებითი გამოძიების აუცილებლობას, რაც შესაბამისმა ორგანოებმა უნდა განახორციელოს.

ასევე, დაწვრილებით განიხილება საკონსტიტუციო სასამართლოში, რაც შემდგომში საფუძვლად დაედება ამ ძალების პოლიტიკური განაჩენის გამოტანას", - განაცხადა ეკა სეფაშვილმა.