ლევან მაჭავარიანი ბექა ოდიშარიას მიმართ მიყენებულ შეურაცხყოფაზე: ეს საქციელი ყოვლად მიუღებელია, არ ვიცი სად არიან აღზრდილები და რა მორალური სტანდარტებით ხელმძღვანელობენ

ეს საქციელი ყოვლად მიუღებელია, არ ვიცი სად არიან აღზრდილები და რა მორალური სტანდარტებით ხელმძღვანელობენ, - განაცხადა საპარლამენტო ფრაქცია „ქართული ოცნების“ თავმჯდომარის პირველმა მოადგილე ლევან მაჭავარიანმა ბექა ოდიშარიას მიმართ მიყენებულ შეურაცხყოფაზე საუბრისას.

„გუშინაც ანალოგიური ვიხილეთ, პოლიციაზე თავდასხმაც ვიხილეთ, შეურაცხყოფებიც ვიხილეთ. ეს არის ფსევდო ლიბერალური ფაშიზმი, რასაც ჩვენ ვუწოდებთ და ეს აუცილებლად დასრულდება საქართველოში“, - აღნიშნა ლევან მაჭავარიანმა.

„მოკვდები ისედაც, კიბო გაქვს“, - ამ სიტყვებით მიმართა რადიკალური ოპოზიციის ორგანიზებული აქციის ერთ-ერთმა მონაწილემ ბექა ოდიშარიას.