როცა ბრძოლის ველზე არის მთავარი ოპოზიციური პარტია, პასუხისმგებლობიანი პოლიტიკოსი არ უნდა იღებდეს ამ გადაწყვეტილებას - ხაბეიშვილი დეკანოიძეზე

გუშინ ცნობილი გახდა, რომ „ერთიანი ნაციონალური მოძრაობის“ ერთ-ერთმა ლიდერმა, ხატია დეკანოიძემ, პარტია დატოვა, რასაც გამოეხმაურა პარტიის ახლად არჩეული თავმჯდომარე, ლევან ხაბეიშვილი და თქვა, რომ მიუხედავად იმისა, რომ არც არავის მოსწონს ხატიას ეს გადაწყვეტილება, ეს მხოლოდ და მხოლოდ მისი საქმეა და ასევე აღნიშნა, რომ ამ დროს, ასეთ ვითარებაში, ასეთი პასუხისმგებლობიანი პოლიტიკოსი ასეთ გადაწყვეტილებას არ უნდა იღებდეს.

„ხატიამ ეს გადაწყვეტილება მიიღო. ძალიანაც შეიძლება არ მოგვწონდეს და არ გვინდოდეს, რომ ბრძოლის ველზე როცა არის მთავარი ოპოზიციური პარტია, ამ დროს არ უნდა იღებდეს პასუხისმგებლობიანი პოლიტიკოსი ამ გადაწყვეტილებას. მიუხედავად ამისა, ეს მისი საქმეა და მე გეტყვით, რომ ჩემი საქმეა ხალხთან ურთიერთობა, ხალხთან შეხვედრები და ის, რომ რუსი ოლიგარქის წინააღმდეგ გავერთიანდეთ ყველა. ახლა დაქსაქსვის, გათითოკაცების დრო არ არის და ყველა, ვინც უწყობს ხელს, რომ თითქოს რყევაა ოპოზიციურ ველზე ან თუნდაც აჩვენებს რაიმე პრობლემებს, ეს არ არის კარგი, ეს მხოლოდ ბიძინა ივანიშვილის წისქვილზე ასხამს წყალს“. - თქვა ლევან ხაბეიშვილმა.