ნინი ვარდოსანიძე: „საკრებულომ კიდევ ერთხელ გამოხატა პატივისცემა საქართველოს დროშის მიმართ“

თბილისის საკრებულოს სახელდებისა და სიმბოლიკის კომისიის თავმჯდომარემ, ნინი ვარდოსანიძემ დროშის დღესთან დაკავშირებით საკრებულოში კომენტარი გააკეთა.

მისი თქმით, საკრებულომ კიდევ ერთხელ გამოხატა პატივისცემა საქართველოს დროშის მიმართ და ყველას მოუწოდა, აქციას შეუერთდეს. „უკვე რამდენიმე წელია თბილისის საკრებულოში შენობის აივნებიდან ხდება საქართველოს დროშების გადმოფენა.

რა თქმა უნდა, წელსაც ეს ტრადიცია შესრულდა, რითაც გამოვხატეთ პატივისცემა სახელმწიფოს ამ ერთ - ერთი უმთავრესი სიმბოლოს მიმართ. მე კიდევ ერთხელ ყველას გილოცავთ და მოგიწოდებთ, შემოუერთდეთ ამ ძალიან მნიშვნელოვან და საამაყო აქციას“, - განაცხადა ვარდოსანიძემ.