ნიკა მელია: დადგა დრო, რომ პოლიტიკური ორაზროვნება დასრულდეს, პოლიტიკური მკაფიოობის და ყველა კითხვაზე პასუხის გაცემის დროა - რას ვაკეთებთ, შევდივართ თუ არა ფარსში, სახელად ადგილობრივი არჩევნები? ამას ძალიან მკაფიოდ უნდა გაეცეს პასუხი

დადგა დრო, რომ პოლიტიკური ორაზროვნება დასრულდეს, პოლიტიკური მკაფიოობის და ყველა კითხვაზე პასუხის გაცემის დროა - რას ვაკეთებთ, - განაცხადა „ახალის“ წევრმა ნიკა მელიამ ჟურნალისტებთან.

„დადგა დრო, რომ პოლიტიკური ორაზროვნება დასრულდეს და პოლიტიკური მკაფიოობის დროა. დროა ყველა კითხვაზე მკაფიო პასუხის გაცემისა, კერძოდ რას ვაკეთებთ - შევდივართ თუ არა ფარსში სახელად ადგილობრივი არჩევნები? ორაზროვნება და ბუნდოვანება წინააღმდეგობრივ მოძრაობას ძალიან ასუსტებს“, - აღნიშნა მელიამ.

თვითმმართველობის არჩევნებთან დაკავშირებით ოპოზიციაში დაპირისპირება გრძელდება. „ნაციონალური მოძრაობა“ და გვარამია-მელიას პარტია ირწმუნებიან, რომ არჩევნებში მონაწილეობას არ მიიღებენ და ამასვე მოუწოდებენ მათ დანაყოფებს. საკითხზე „ლელოს“ პოზიცია ბუნდოვანია. გახარია კი არჩევნებში მონაწილეობისთვის ემზადება.