კახა კალაძე თამაზ მეჭიაურის გარდაცვალების გამო მწუხარებას გამოთქვამს

დედაქალაქის მერი, კახა კალაძე ყოფილი დეპუტატის გარდაცვალების გამო მწუხარებას გამოთქვამს. ამის შესახებ კალაძე სოციალურ ქსელში წერს.

„კიდევ ერთი ნაადრევად შეწყვეტილი სიცოცხლე - პატრიოტი, ქვეყანაზე და თავის ხალხზე შეყვარებული ადამიანი გამოაკლდა ჩვენს რიგებს.

პარლამენტის ყოფილი წევრის, თამაზ მეჭიაურის გარდაცვალება დიდი დანაკლისია ჩვენი საზოგადოებისთვის. ვიზიარებ ბატონი თამაზის ოჯახის წევრების, მეგობრების, კოლეგების მწუხარებას“,- წერს კახა კალაძე. 

ცნობისთვის, ყოფილი დეპუტატი კორონავირუსს ებრძოდა. იგი 3 თებერვლიდან კლინიკაში გადაიყვანეს.