გურამ ნიკოლაშვილი საპროცესო გარიგებებზე: ცხადია, რომ ეს არის მორიგი ნაბიჯი, რომელიც გადადგმულია ამ ქვეყანაში მეტი მშვიდობისთვის და პოლიტიკურ ველზე თანხმობისთვის

ცხადია, რომ ეს არის მორიგი ნაბიჯი, რომელიც გადადგმულია ამ ქვეყანაში მეტი მშვიდობისთვის და პოლიტიკურ ველზე თანხმობისთვის, - განაცხადა გადაცემაში „დღის ქრონიკა“ თბილისის საკრებულოს წევრმა გურამ ნიკოლაშვილმა საპროცესო გარიგებებთან დაკავშირებით.

ნიკოლაშვილის თქმით, მათ დაინახეს ხელისუფლების შეთავაზება, საზოგადოების განწყობა, რომ რევოლუციური მცდელობები ჩავარდა და შესაბამისად, ეს იყო ერთადერთი სწორი, გონივრული ნაბიჯი.

„ცხადია, რომ ეს არის მორიგი ნაბიჯი, რომელიც გადადგმულია ამ ქვეყანაში მეტი მშვიდობისთვის და პოლიტიკურ ველზე თანხმობისთვის. ჩვენ ვნახეთ გარკვეული პერიოდის წინ, როდესაც ეს პროცესი დაიწყო, ადამიანებმა, ვინც პატიმრობაში იმყოფება და გასამართლებულია იმ ძალადობრივ არეულობებში მონაწილეობისთვის, რასაც ჩვენ ვხედავდით 2024 წელს და შემდეგ 2025 წელსაც ვნახეთ ცხადია, ცნობილი 4 ოქტომბრის მოვლენები, ეს ადამიანები მიხვდნენ, რომ პროცესი დამთავრდა და უბრალოდ ციხეში ჯდომას აზრი არ აქვს. მათ დაინახეს ხელისუფლების შეთავაზება, მათ დაინახეს საზოგადოების განწყობა, რომ ეს რევოლუციური მცდელობა თუ რაღაც ფსევდო რევოლუცია უკვე მოგვიანებით, ეს ორივე ტალღა ჩავარდა. შესაბამისად, ეს იყო ერთადერთი სწორი და გონივრული ნაბიჯი, რაც მათ გადადგეს, რომლისთვისაც კარი ხელისუფლებამ გააღო და თქვა, რომ დანაშაულის აღიარება უნდა მოხდეს, ამის მონანიება უნდა მოხდეს, ვინაიდან ეს არის ჩვენი ძალიან მძიმე გამოცდილება, რაც ამ ქვეყანაში უახლოეს წარსულში მომხდარა და რომ ეს არ უნდა განმეორდეს“, - აღნიშნა მან.