გურამ მაჭარაშვილი გივი თარგამაძეზე: როგორც ჩანს, მიხვდა თავის განაცხადს და მოცოცხა (ცოცხი მათი სიმბოლოა) უცხოეთში

როგორც ჩანს, მიხვდა თავის განაცხადს და მოცოცხა (ცოცხი მათი სიმბოლოა) უცხოეთში, რადგან პასუხისგებაც კი არ უნდოდა იმასთან დაკავშირებით, რაც თავის ქვეყანას გაუკეთა, - აცხადებს „ხალხის ძალის“ აღმასრულებელი მდივანი გივი თარგამაძეზე საუბრისას.

კერძოდ, დეპუტატმა კომენტარი გააკეთა იმ კამპანიის შესახებ, თითქოს გივი თარგამაძეს სუს-ი ვერ პოულობდა.

„როცა ერთი დღით ადრე განცხადებას საჯაროდ აკეთებ, ყველასთვის ხელმისაწვდომი ხარ, მეორე დღეს კი ხელმიუწვდომელი ხარ და უწყებას არავინ იბარებს, ნიშნავს, რომ ემალები გამოძიებასაც და საზოგადოებასაც“, - აღნიშნა მაჭარაშვილმა.

ოპოზიციამ და ოპოზიციურმა ტელევიზიებმა სახელმწიფო უსაფრთხოების სამსახურის დისკრედიტაცია სცადეს. გამოიგონეს ამბავი, თითქოს სუსი გივი თარგამაძეს ვერ პოულობდა, თუმცა მისი ძებნის შესახებ არსად არაფერი თქმულა.

გივი თარგამაძემ ერთ-ერთი მედიის ეთერში თქვა, რომ საქართველოში ტერორისტების უნივერსიტეტი ფუნქციონირებს.

როგორც ცნობილია, ბოლო დღეების განმავლობაში გაკეთებულ განცხადებებთან დაკავშირებით სახელმწიფო უსაფრთხოების სამსახურმა გამოძიება დაიწყო.