აშშ-ის წარმომადგენელთა პალატა რუსეთის წინააღმდეგ სანქციებთან დაკავშირებით ლინდსი გრემის ინიციატივით მომზადებულ კანონპროექტს კენჭს დღეს უყრის

 აშშ-ის წარმომადგენელთა პალატაში რუსეთის წინააღმდეგ სანქციების შესახებ „ლინდსი გრემის კანონპროექტის“ შესახებ კენჭისყრა 16 სექტემბერს გაიმართება, - ინფორმაციას უკრაინული მედია „რადიო თავისუფლების“ ჟურნალისტ ალექს რაუფოღლუზე დაყრდნობით ავრცელებს.

“რესპუბლიკელმა” კონგრესმენმა მაიკლ მაკკოლმა განაცხადა, რომ საბოლოო კენჭისყრის წინ წარმომადგენლთა პალატაში კანონპროექტის განხილვის პროცესს პირადად გაუძღვება.

„ წარმომადგენელთა პალატის დარბაზში ლინდსი გრემის სანქციების შესახებ კანონის საბოლოო მიღებასთან დაკავშირებით დებატებს გავუძღვები“, - აღნიშნა მაკკოლმა.

მანამდე, აშშ-ის წარმომადგენელთა პალატამ კანონპროექტის განხილვას მხარი პროცედურულ კენჭისყრაზე დაუჭირა.

კანონპროექტის განხილვას მხარი 214-მა კონგრესმენმა დაუჭირა, ხოლო 211-მა ხმა მის წინააღმდეგ მისცა.

ცნობისთვის, კანონპროექტი აშშ-ის პრეზიდენტ დონალდ ტრამპს საშუალებას მისცემს 100%-იანი ტარიფები დაუწესოს რუსული ნავთობისა და ბუნებრივი აირის ხუთ ყველაზე დიდ იმპორტიორს და ასევე ხუთ ქვეყანას, რომლებიც რუსეთს ენერგეტიკული სანქციებისთვის გვერდის ავლაში ეხმარებიან.

აშშ-ის სენატმა კანონპროექტს მხარი 7 აგვისტოს, 86 ხმით 11-ის წინააღმდეგ დაუჭირა.