არჩილ გორდულაძე: „დიფ სთეითის“ წარმომადგენლებს, თუ მათგან მართულ ადამიანებს სურთ, კონკრეტული სისხლის სამართლის საქმეები პოლიტიკურ საქმეებად წარმოაჩინონ და შავბნელი მიზნებისთვის გამოიყენონ

„დიფ სთეითის“ წარმომადგენლებს, თუ მათ მიერ მართულ ადამიანებს ყოველთვის აქვთ სურვილი, კონკრეტული სისხლის სამართლის საქმეები წარმოაჩინონ, როგორც პოლიტიკური საქმეები და შემდეგ ეს თავიანთი შავბნელი მიზნებისთვის გამოიყენონ, რასაც, მათ შორის ცდილობენ ჩვენს ქვეყანაში ყველაფერზე ხელმომწერი აგენტურის წარმომადგენლები, – ამის შესახებ პარლამენტის იურიდიულ საკითხთა კომიტეტის თავმჯდომარემ, არჩილ გორდულაძემ განაცხადა.

გორდულაძის თქმით, ბაჩიაშვილს ვინც პოლიტიკურ პატიმარს უწოდებდა, ცრუობდა.

„ერთ კონკრეტულ სისხლის სამართლის საქმეზე ასეთი ამბავი ატეხეს, თუმცა საბოლოო ჯამში, საქმე ისევ იმად დარჩა, რაც იყო – ეს არის კონკრეტული სისხლის სამართლის საქმე. ყველა იტყუებოდა და ცრუობდა, როდესაც ბაჩიაშვილს პოლიტიკურ პატიმარს უწოდებდა, მათ შორის BBC-ის წარმომადგენლებიც ცრუობდნენ იმ ავადსახსენებელ ფილმში, სადაც ბაჩიაშვილის სახელსა და გვარს ლაიტმოტივად გასდევდა პოლიტიკური პატიმრის სტატუსი. ეს ხაზს უსვამს, რომ BBC-ის ფილმი სრული დეზინფორმაციითაა აღსავსე და მხოლოდ ჩვენს ქვეყანაზე თავდასხმის ერთ-ერთ საფუძვლად იყო გამოყენებული“, – აღნიშნა არჩილ გორდულაძემ.

„თა­ნა­ინ­ვეს­ტი­რე­ბის ფონ­დის“ ყო­ფი­ლმა ხელ­მძღვა­ნე­ლმა, გიორგი ბაჩიაშვილმა საპროცესო შეთანხმების საფუძველზე პენიტენციური დაწესებულება დატოვა. ბაჩიაშვილს სამ სისხლის სამართლის საქმეზე გაუფორმდა საპროცესო შეთანხმება.