უკრაინის საჰაერო ძალების სარდლობა: უკრაინას პარტნიორებისგან ახალი საბრძოლო თვითმფრინავები არ მიუღია

უკრაინას პარტნიორებისგან ახალი საბრძოლო თვითმფრინავები არ მიუღია. ამის შესახებ უკრაინის შეიარაღებული ძალების საჰაერო ძალების სარდლობაში განაცხადეს.

„აშშ-ის მთავრობის დახმარებით, უკრაინის შეიარაღებული ძალების საჰაერო ძალებმა სათადარიგო ნაწილები და კომპონენტები მიიღეს საჰაერო ძალების სამსახურში მყოფი თვითმფრინავების ფლოტის აღდგენისა და შეკეთებისთვის, რაც საშუალებას მოგვცემს, მწყობრში ჩავაყენოთ მეტი ტექნიკა“, - ნათქვამია განცხადებაში.