უკრაინიდან საქართველოს მოქალაქეების ევაკუაცია გრძელდება - პოლონეთის გავლით საქართველოში კიდევ 50-მდე ადამიანი დაბრუნდება

უკრაინიდან საქართველოს მოქალაქეების ევაკუაცია გრძელდება. ცოტა ხნის წინ დაიძრა ავტობუსი ლვოვიდან ქალაქ ვარშავის მიმართულებით, პოლონეთის გავლით საქართველოში 50-მდე მოქალაქე დაბრუნდება.

მათ შორის არიან ისინი, ვინც მარიუპოლიდან გამოიყვანეს. საქართველოს მოქალაქეებთან ერთად მგზავრობს "კურიერის" გადამღები ჯგუფიც. მგზავრები იხსენებენ იმ მძიმე ვითარებას, რომლის გამოვლაც მოუწიათ 28 დღის განმავლობაში.