უკრაინაში საომარი მდგომარეობა 4 მაისამდე გაგრძელდა

 უკრაინის პრეზიდენტმა, ვოლოდიმირ ზელენსკიმ ხელი მოაწერა უმაღლესი რადის მიერ მიღებულ კანონს, რომლის თანახმადაც საომარი მდგომარეობა და საყოველთაო მობილიზაცია 4 მაისამდე გაგრძელდება. ინფორმაციას უკრაინული მედია ავრცელებს.

მედიის ცნობით, საომარი მდგომარეობის გახანგრძლივების ინიციატორი თავად ზელენსკი იყო. მან შესაბამისი თხოვნით ქვეყნის საკანონმდებლო ორგანოს 12 იანვარს მიმართა.

საომარი მდგომარეობის გაგრძელებას მხარი 330-მა დეპუტატმა დაუჭირა, ხოლო მობილიზაციას - 312-მა პარლამენტარმა.