ზელენსკი რუსეთის დელეგაციასთან მოლაპარაკებების შესახებ გადაწყვეტილებას რეჯეფ თაიფ ერდოღანთან შეხვედრის შემდეგ მიიღებს - „გარდიანი“

უკრაინის პრეზიდენტი ვოლოდიმერ ზელენსკი თურქეთის პრეზიდენტს, რეჯეფ თაიფ ერდოღანს შეხვდება, რის შემდეგაც რუსებთან საუბრის შესახებ გადაწყვეტილებას მიიღებს, – ამის შესახებ ინფორმაციას „გარდიანი“ ერთ-ერთ უკრაინელ ოფიციალურ პირზე დაყრდნობით ავრცელებს.

გამოცემის ცნობით, ერდოღანისა და ზელენსკის შეხვედრა უახლოეს ხანში უნდა დაიწყოს.

შეგახსენებთ, უკრაინის პრეზიდენტმა მანამდე განაცხადა, რომ მზად არის, თურქეთში ვლადიმერ პუტინს პირისპირ შეხვდეს, თუმცა რუსეთის პრეზიდენტი მოლაპარაკებებზე პირადად არ ჩადის, რუსული დელეგაცია კი უკვე ადგილზეა.