უცხოური მედია ახლო აღმოსავლეთში კონფლიქტის დროს დაღუპულთა რაოდენობის შესახებ მონაცემებს ავრცელებს

„სქაინიუსი“ ახლო აღმოსავლეთში კონფლიქტის დაწყებიდან დღემდე დაღუპული ადამიანების შესახებ განახლებულ მონაცემებს ავრცელებს. გამოცემა ირანის ხელისუფლებაზე დაყრდნობით წერს, რომ კონფლიქტს, სულ მცირე, ირანის 1 900-ზე მეტი მოქალაქე ემსხვერპლა.

განსხვავებული მონაცემები აქვს ამერიკის შეერთებულ შტატებში დაფუძნებულ ირანის ადამიანის უფლებათა სააგენტო HRANA-ს, რომლის მიხედვითაც, დაღუპულა რაოდენობა, სულ მცირე, 3 486-ია. მათგან, სულ მცირე, 1 568 მშვიდობიანი მოქალაქეა, მათ შორის, 236 ბავშვი. დაღუპულთა შორისაა 1 211 სამხედრო მოსამსახურე.

ისრაელის ხელისუფლების განცხადებით, ქვეყანაში იერიშებს 19 ადამიანი ემსხვერპლა. რაც შეეხება ლიბანს, ქვეყანაში, სულ მცირე, 1 200 ადამიანი დაიღუპა და მილიონზე მეტი იძულებით გადაადგილებული პირი გახდა.

რაც შეეხება აშშ-ის მოქალაქეებს, კონფლიქტის დაწყებიდან დღემდე ახლო აღმოსავლეთში არსებულ სამხედრო ბაზებზე აშშ-ის ცამეტი მოქალაქე დაიღუპა, 300-ზე მეტი კი დაშავდა.