უკრაინული მედიის ცნობით, ღამის განმავლობაში რუსულმა მხარემ კიევს, სუმის ოლქსა და ზაპოროჟიეს შეუტია, დაღუპულია ერთი ადამიანი

ღამის განმავლობაში რუსულმა მხარემ უპილოტო აპარატებით სუმის ოლქს შეუტია, – ამის შესახებ ინფორმაციას უკრაინული მედია ავრცელებს. თავდასხმის შედეგად კოვპაკოვსკის რაიონში ხანძარი გაჩნდა, დაშავებულია ერთი ადმაიანი. დაზიანებულია საგანმანათლებლო დაწესებულება და საცხოვრებელი სახლები.

თავდასხმის სამიზნე გახდა უკრაინის დედაქალაქიც. რამდენიმე რაიონში საცხოვრებელი შენობები დაიწვა, ნამსხვრევებით კი ერთი ადამიანი დაშავდა.

მანამდე რუსმა სამხედროებმა იერიში მიიტანეს ზაპოროჟიეზე. შედეგად ერთი ადამიანი დაიღუპა. დაზიანებულია სამოქალაქო ინფრასტრუქტურა.