ტრამპი: ძალიან ნაყოფიერი სატელეფონო საუბარი მქონდა ბიბი ნეთანიაჰუსთან - ბეირუთში არანაირი ჯარი არ გაიგზავნება, ხოლო გზაში მყოფი ნაწილები უკვე უკან მობრუნდნენ

ძალიან ნაყოფიერი სატელეფონო საუბარი მქონდა ისრაელის პრემიერ-მინისტრთან, ბიბი ნეთანიაჰუსთან - ბეირუთში არანაირი ჯარი არ გაიგზავნება, ხოლო გზაში მყოფი ნაწილები უკვე უკან მობრუნდნენ, - განაცხადა აშშ-ის პრეზიდენტმა, დონალდ ტრამპმა.

„ასევე, მაღალი რანგის წარმომადგენლების მეშვეობით, ძალიან კარგი საუბარი მქონდა „ჰეზბოლასთან“ და ისინი შეთანხმდნენ, რომ ყოველგვარი სროლა შეწყდება - ისრაელი მათ თავს არ დაესხმება, ისინი კი თავს არ დაესხმებიან ისრაელს“, - დასძინა ტრამპმა.