სტივ უიტკოფს, სავარაუდოდ, X-ი პირად მიმოწერაში აერია და რუსეთ-უკრაინას შორის ახალი სამშვიდობო გეგმის Axios-ის წყარო გაამხილა

ტრამპის სპეცწარმომადგენელმა სტივ უიტკოფმა, უკრაინაში ომის დასრულების ახალი გეგმის შესახებ Axios-ის პუბლიკაციის შემდეგ, სოციალურ ქსელ X-ში დაწერა, რომ გამოცემის ჟურნალისტმა ის, სავარაუდოდ, კ.-სგან მიიღო. შემდეგ მან თავისი ტვიტი სწრაფად წაშალა.

უიტკოფის ტვიტი ერთ-ერთმა პირველმა ჟურნალისტმა მაიკლ ვაისმა შეამჩნია, შემდეგ კი The Daily Beast-მა. უიტკოფი თავისი ტვიტით Axios-ის ჟურნალისტ ბარაკ რავიდის პუბლიკაციას გამოეხმაურა, რომელშიც ის ომის დასრულების ახალი გეგმის შესახებ მომზადებულ მასალას აზიარებდა. „სავარაუდოდ, მან ეს კ.-სგან მიიღო“, - დაწერა უიტკოფმა. დასავლელი ჟურნალისტები ვარაუდობენ, რომ „კ.“ რუსეთის პრეზიდენტის სპეცწარმომადგენელი კირილ დმიტრიევია.

Looks like Steve Witkoff tweeted what was meant to be a DM, saying the content for this much-discussed Axios story must have come from "K." Almost certainly this refers to Kirill Dmitriev, who is quoted in the story. But it seems the Russian side is leaking this for a reason.… pic.twitter.com/xuP2lV1FcZ

— Michael Weiss (@michaeldweiss) November 19, 2025