სან-ფრანცისკოს წიგნის მაღაზიამ "ჰარი პოტერის" გაყიდვაზე უარი თქვა - მიზეზად, ტრანსგენდერებთან დაკავშირებით ჯოან როულინგის საჯარო პოზიცია სახელდება

სან-ფრანცისკოს წიგნის მაღაზიამ "ჰარი პოტერის" გაყიდვაზე უარი თქვა. მიზეზად წიგნის ავტორის, ჯოან როულინგის პოზიცია დასახელდა ტრანსგენდერებთან დაკავშირებით.

წიგნის მაღაზია აცხადებს, რომ ბოლო წვეთი აღმოჩნდა მწერლის ინიციატივა "როულინგის ქალთა ფონდის" შექმნის შესახებ. ფონდის მიზანი იმ პირებისა და ორგანიზაციების მხარდაჭერაა, რომლებიც იბრძვიან ქალთა გენდერული უფლებების შესანარჩუნებლად სამუშაო ადგილებსა და საზოგადოებრივ ცხოვრებაში.