საერთაშორისო ატომური სააგენტოს ხელმძღვანელი აცხადებს, რომ ირანის ბუშერის ქარხანაზე დარტყმამ, შესაძლოა, რეგიონული კატასტროფა გამოიწვიოს

საერთაშორისო ატომური სააგენტოს ხელმძღვანელის, რაფაელ გროსის განცხადებით, ირანის ბუშერის ქარხანაზე დარტყმამ, შესაძლოა, რეგიონული კატასტროფა გამოიწვიოს.

რაფაელ გროსის თქმით, ჯერჯერობით, კონფლიქტის დაწყებიდან რადიაციული დაბინძურება არ მომხდარა.

„რეგიონის ქვეყნებმა პირდაპირ მომმართეს და თავიანთი შეშფოთება გამოთქვეს. მინდა, აბსოლუტურად და ძალიან მკაფიოდ განვაცხადო: ბუშერის ბირთვულ ქარხანაზე თავდასხმის შემთხვევაში, პირდაპირი დარტყმა ძალიან მაღალი რაოდენობით რადიაციის გაჟონვას გამოიწვევს“, – განაცხადა რაფაელ გროსიმ გაეროს უშიშროების საბჭოს სხდომაზე.