რუსმა ტურისტმა ინდოეთში სპილო ვარდისფრად შეღება და საყოველთაო აღშფოთება გამოიწვია

რუსი ფოტოგრაფი იულია ბურულევა ინდოეთში სკანდალში გაეხვია, მას ცხოველთა მიმართ სისასტიკეში ადანაშაულებენ ფოტოსესიისთვის სპილოს ვარდისფრად შეღებვის შემდეგ. ეს ინფორმაცია Telegram-ის არხმა SHOT-მა გაავრცელა.
ინციდენტი ჯაიპურში მოხდა, რომელიც ადგილობრივ არქიტექტურაში გამოყენებული ქვის ფერის გამო „ვარდისფერ ქალაქად“ არის ცნობილი. ფერით შთაგონებულმა ბურულევამ გადაწყვიტა, კონცეპტუალური ფოტოსესიის ჩატარება: მან სპილო მოიყვანა და ინდოელ მოდელთან ერთად ვარდისფრად შეღება. თავად მოდელიც საღებავით იყო დაფარული.
ბურულევას თქმით, პროექტისთვის გამოყენებული იყო ბუნებრივი საღებავი, რომელიც ცხოველებისთვის უსაფრთხოა. თუმცა, ადგილობრივი მცხოვრებლები აღშფოთდნენ და ფოტოგრაფს სისასტიკეში ადანაშაულებდნენ, სოციალურ მედიაში კი აცხადებდნენ, რომ ცხოველების „ესთეტიკისთვის“ გამოყენება მიუღებელია.

ინდოეთში სპილო წმინდა ცხოველად ითვლება და რელიგიურ და კულტურულ ტრადიციებში განსაკუთრებულ ადგილს იკავებს. ინდუიზმში ის ასოცირდება ღმერთ განეშასთან, მეცნიერებისა და ხელოვნების მფარველთან, რომელიც გამოსახულია სპილოს თავით და, ლეგენდის თანახმად, თავისი ერთი ეშვით აშორებს დაბრკოლებებს. ბუდიზმში სპილო სულიერი ცოდნისა და სტაბილურობის სიმბოლოა. ასევე ითვლება, რომ გმირები, წმინდანები და მმართველები სიკვდილის შემდეგ ამ ცხოველად გარდაიქმნებიან.