რომის პაპი ლეო XIV თურქეთში ჩავიდა

რომის პაპი ლეო XIV თურქეთს ეწვია. პაპის არჩევის შემდეგ ეს მისი პირველი ვიზიტია საზღვარგარეთ.

პონტიფიკოსი ქემალ ათათურქის მავზოლეუმს ეწვია, მოგვიანებით კი ქვეყნის ლიდერთან, რეჯეფ თაიფ ერდოღანთან გამართავს შეხვედრას.

ამასთან, როგორც ცნობილია, რომის პაპი სიტყვით გამოვა დიპლომატიური კორპუსის წინაშე.

პონტიფიკოსი ანკარის შემდეგ სტამბოლში გაემგზავრება, სადაც სამდღიან ეკუმენურ და სარწმუნოებათაშორის შეხვედრებს დაესწრება.

რომის პაპი ლეო XIV თურქეთიდან ლიბანში ჩავა.