პუტინი: ზელენსკისთან შეხვედრის აზრს ვერ ვხედავ, აზრი მხოლოდ უკრაინული მხარისთვის არსებობს - შეაჩეროს ჩვენი შეიარაღებული ძალების შეტევა, სულ ეს არის

რუსეთის პრეზიდენტმა, ვკადიმირ პუტინმა განაცხადა, რომ ვოლოდიმირ ზელენსკისთან შეხვედრაში „ჯერჯერობით აზრს ვერ ხედავს“.

„შეხვედრის აზრს ვერ ვხედავ. აზრი მხოლოდ უკრაინული მხარისთვის არსებობს - შეაჩეროს ჩვენი შეიარაღებული ძალების შეტევა, სულ ეს არის. ჩვენ კი შეთანხმებები გვჭირდება არა ნახევარი წლით ან სამი თვით, არამედ გრძელვადიანი ისტორიული პერსპექტივით“, - განაცხადა პუტინმა.

კრემლის ლიდერი ასევე ამტკიცებს, რომ ერთ-ერთი რუსი ბიზნესმენი 21 მაისს კიევში ზელენსკის შეხვდა. „დაბრუნდა. მე მას შევხვდი. ნუ, ყოველგვარი ზედმეტობის გარეშე, ყველაზე მთავარი ის არის, რომ ბატონმა ზელენსკიმ შეხვედრა ითხოვა“, - განაცხადა პუტინმა და დასძინა, რომ მას არასოდეს უთქვამს უარი დიალოგზე, თუმცა არ სურს „წყლის ნაყვა“.