„... მას ჩანთაში 44 შხამიანი გველგესლა ჰყავდა" - მუმბაის აეროპორტში დააკავეს მამაკაცი, რომელსაც ჩანთით შხამიანი გველები გადაჰყავდა

ინდოეთში დააკავეს მამაკაცი, რომელიც ქვეყანაში ათეულობით იშვიათი სახეობის ქვეწარმავლის, მათ შორის შხამიანი გველის, კონტრაბანდულად შეყვანას ცდილობდა. ინფორმაციას უცხოური მედია ავრცელებს. 

ქვეწარმავლები, მათ შორის 44 შხამიანი გველგესლა, მამაკაცის რეგისტრირებულ ბარგში დამალული იპოვეს. ისინი ინდოეთის ველური ბუნების დაცვის სხვადასხვა კანონმდებლობის შესაბამისად ჩამოართვეს.

მიუხედავად იმისა, რომ ქვეყანაში ცხოველების შეყვანა უკანონო არ არის, ინდოეთის ველური ბუნების დაცვის შესახებ კანონი კრძალავს გარკვეული სახეობების იმპორტს, მათ შორის გადაშენების პირას მყოფი ან მთავრობის მიერ დაცული სახეობების. გარდა ამისა, ნებისმიერი ველური ცხოველის შეყვანამდე, მგზავრმა საჭირო ნებართვები და ლიცენზიები უნდა მიიღოს.