დროებით საგამოძიებო კომისიაზე გამოუცხადებლობის საქმეზე ზურაბ ჯაფარიძის სასამართლო პროცესი გაიმართა

თბილისის საქალაქო სასამართლოში დროებით საგამოძიებო კომისიაზე გამოუცხადებლობის საქმეზე ზურაბ ჯაფარიძის სასამართლო პროცესი გაიმართა. მხარეებმა შესავალი სიტყვა თქვეს.

გამოიკითხა გამომძიებელი, რომელიც ბრალდების მხარის მოწმეა. სხდომას ზურაბ გირჩი ჯაფარიძეც დაესწრო, დარბაზში იმყოფებოდნენ ჩეხეთის საელჩოს წარმომადგენლებიც.

"კოალიცია ცვლილების" ერთ-ერთ ლიდერს ბრალი 349-ე მუხლით აქვს წაყენებული. მას აღკვეთის ღონისძიების სახით, 20 000-ლარიანი გირაო შეუფარდეს, რაც მან არ გადაიხადა. ჯაფარიძე 22 მაისს, სხდომათა დარბაზში დააკავეს.