მარკო რუბიო: აშშ ჰორმუზის სრუტის შესახებ მოლაპარაკებებში პროგრესს ხედავს და შეთანხმების მალე მიღწევის იმედი აქვს

აშშ-ის სახელმწიფო მდივანმა, მარკო რუბიომ განაცხადა, რომ ირანთან და ომანთან ჰორმუზის სრუტეში მეტი გემის გატარების თაობაზე გამართულ დისკუსიებში პროგრესია, თუმცა საბოლოო შეთანხმებისთვის ჯერ არ მიუღწიათ.

„ამ მოლაპარაკებებში პროგრესია, თუმცა საბოლოო შეთანხმება ჯერ არ შემდგარა. ვიმედოვნებთ, რომ ეს ძალიან მალე მოხდება“, - განუცხადა რუბიომ ჟურნალისტებს აშშ-ის სახელმწიფო დეპარტამენტში.