„ევროპის ისტორია იქმნება" - დმიტრო კულება უკრაინისთვის კანდიდატის სტატუსის მინიჭებაზე

"ევროპის ისტორია იქმნება. მივესალმებით ევროკომისიის დადებით დასკვნას, რომ ევროპული საბჭოს სხდომაზე უკრაინას ევროკავშირის კანდიდატის სტატუსი უნდა მიენიჭოს", - ამის შესახებ უკრაინის საგარეო საქმეთა მინისტრი, დმიტრო კულება „ტვიტერში“ წერს.

„ეს იქნება ევროპული ლიდერობის ნათელი დადასტურება და უდიდესი სტიმული უკრაინის შემდგომი გარდაქმნებისთვის,“ - წერს კულება.

ევროკომისიის რეკომენდაციით, უკრაინას და მოლდოვას უნდა მიენიჭოს კანდიდატის სტატუსი. აღნიშნულთან დაკავშირებით განცხადება ბრიუსელში გამართულ ბრიფინგზე ევროკომისიის პრეზიდენტმა გააკეთა.