დორტმუნდში დააკავეს კაცი, რომელიც ანგელა მერკელისა და ოლაფ შოლცის მკვლელობას გეგმავდა - „ბილდი“

გერმანიის ქალაქ დორტმუნდში დააკავეს მამაკაცი, რომელიც ანგელა მერკელისა და ოლაფ შოლცის მკვლელობას გეგმავდა. ამის შესახებ „ბილდი“ იუწყება.

„ბილდის“ ინფორმაციით, ყოფილი კანცლერების გარდა, 49 წლის მარტინ ს.-ს მსხვერპლთა სიაში კიდევ 20-ზე მეტი გერმანელი პოლიტიკოსი და მთავრობის წარმომადგენელი ჰყავდა.

როგორც გამოცემა წერს, მამაკაცი კორონავირუსის პანდემიის დროს გერმანიის მთავრობის პოლიტიკას და ქმედებებს მკაცრად ეწინააღმდეგებოდა, რამაც, სავარაუდოდ, მას მკვლელობების დაგეგმვა აიძულა.