დონალდ ტრამპი: ჩვენ დავიმახსოვრებთ, თუ ქვეყნები ჰორმუზის სრუტეში არ დაგვეხმარებიან

აშშ-ის პრეზიდენტმა განაცხადა, რომ ვაშინგტონი „დაახლოებით შვიდ“ ქვეყანასთან აწარმოებს მოლაპარაკებებს ჰორმუზის სრუტის „პატრულირებასთან“ დაკავშირებით. ამ თემაზე დონალდ ტრამპი ჟურნალისტებს პრეზიდენტის თვითმფრინავის (Air Force One) ბორტზე ესაუბრა.

მან დასძინა, რომ „საინტერესო იქნება იმის ნახვა“, თუ რომელი ქვეყნები დაეხმარებიან აშშ-ს ამ საქმეში, რასაც მან „ძალიან მცირე წამოწყება“ უწოდა.

„მივიღებთ თუ არ მივიღებთ მხარდაჭერას, შემიძლია გითხრათ, რომ ჩვენ დავიმახსოვრებთ“, - განაცხადა ტრამპმა.