დევიდ ბეკჰემს „დიდების ხეივანში“ ვარსკვლავი გაუხსნეს - ფოტოკოლაჟი

ფეხბურთის ლეგენდას დევიდ ბეკჰემს 12 ივნისს ლოს-ანჯელესში მდებარე Hollywood Walk of Fame-ზე ვარსკვლავი გაუხსნეს. ცერემონია სიმბოლურად დაემთხვა 2026 წლის მსოფლიო ჩემპიონატის აშშ-ში ჩატარებული ნაწილის დაწყებას.

ბეკჰემმა დიდების ხეივნის 2849-ე ვარსკვლავი Sports Entertainment-ის კატეგორიაში მიიღო. გრანდიოზულ ცერემონიაზე, სპორტსმენს გვერდით მეუღლე, ვიქტორია ბეკჰემი და ჰოლივუდის ვარსკვლავები, მათ შორის ტომ კრუზი და ევა ლონგორია უმშვენებდნენ.

სიტყვით გამოსვლისას ტომ კრუზმა ბეკჰემის ცხოვრება „ნამდვილ ჰოლივუდურ ისტორიად“ შეაფასა, ხოლო ვიქტორია ბეკჰემმა მისი შრომისმოყვარეობა და ფეხბურთის პოპულარიზაციაში შეტანილი წვლილი აღნიშნა.

თავად ბეკჰემმა მადლობა გადაუხადა დამსწრეებს და განაცხადა, რომ ბავშვობაში ვერასდროს წარმოიდგენდა, თუ ერთ დღეს ჰოლივუდში ასეთ აღიარებას მიიღებდა.

დღეს ბეკჰემი Inter Miami CF-ის თანამფლობელი და პრეზიდენტია. ჰოლივუდის დიდების ხეივანზე ვარსკვლავის გახსნა მისი სპორტული და საზოგადოებრივი საქმიანობის კიდევ ერთი მნიშვნელოვანი აღიარებაა.