დაღუპულთა შორის არიან 5, 8 და 11 წლის ბავშვები და ერთი მასწავლებელი - ბოლო ცნობები აშშ-დან, სადაც დაწყებით სკოლაში 16 წლის მოზარდმა ცეცხლი გახსნა

აშშ-ის ორეგონის შტატის ქალაქ ბენდში, დაწყებით სკოლაში მომხდარ სროლას ოთხი ადამიანი, მათ შორის, სამი მოსწავლე და ერთი მასწავლებელი ემსხვერპლა.

ამასთან, შვიდი წლის მოზარდი და 54 წლის მასწავლებელი მძიმე დაზიანებებით საავადმყოფოში გადაიყვანეს.

მედიის ინფორმაციით, თავდამსხმელი 16 წლის მოზარდია. მათივე ცნობით, თავდამსხმელის ლიკვიდაცია ადგილობრივმა შეიარაღებულმა მოქალაქემ განახორციელა.

პოლიციის ცნობით, თავდამსხმელი, რომლის ვინაობაც უცნობია, ქალაქ ბენდის სილვერ რეილის დაწყებით სკოლაში ძალით შეიჭრა და ცეცხლი გახსნა.

თავდასხმის მოტივი ჯერჯერობით უცნობია.