ბრიტანული გამოცემა სტატიას აქვეყნებს, სადაც ბრიტანეთის პრემიერ-მინისტრს ატლანტიკური ალიანსის მიზანმიმართულ დაზიანებაში ადანაშაულებს

 გავლენიანი ბრიტანული გამოცემა სკანდალურ სტატიას აქვეყნებს, სადაც ბრიტანეთის პრემიერ-მინისტრს და მის მთავრობას, ატლანტიკური ალიანსის მიზანმიმართულ დაზიანებაში ადანაშაულებს.

"კირ სტარმერის დამსახურებით, ბრიტანეთსა და ამერიკის შეერთებულ შტატებს შორის არსებული განსაკუთრებული ურთიერთობა კრიზისის წინაშეა" - ვკითხულობთ გამოცემაში.

ავტორის მტკიცებით, ლეიბორისტების ადმინისტრაცია პრიორიტეტს არ ანიჭებს სტრატეგიულ პარტნიორობას და ყველაფერს აკეთებს სახელმწიფოებს შორის ურთიერთობების დასაზიანებლად. მაგალითად მოყვანილია სტარმერის ადმინისტრაციის მიერ 2024 წელს შეერთებულ შტატებში დონალდ ტრამპის მოწინააღმდეგე აქტივისტების გაგზავნა, ასევე BBC-ის რეზონანსული საქმე, როდესაც მედიამ, ტრამპის სიტყვა დაჭრა და ფაბრირებული მასალით საზოგადოება შეცდომაში შეიყვანა. შტატების პრეზიდენტი კი დამნაშავედ გამოიყვანა. სტატიაში ხაზგასმულია, რომ სტარმერი პირველი პრემიერია, რომელმაც ვაშინგტონთან კავშირი სტრუქტურული მოცემულობიდან არჩევით საკითხად აქცია.

"სიმართლე ისაა, რომ სტარმერი ბრიტანეთის ფუნდამენტური ინტერესების საწინააღმდეგოდ მართავს ქვეყანას. აქ, ამერიკიდან, საგანგაშო რეალობა იკვეთება. სტარმერი მეხსიერებაში პირველი პრემიერ-მინისტრია, რომელიც ატლანტიკურ ალიანსს განიხილავს არა როგორც სტრუქტურულ მოცემულობას, არამედ როგორც არჩევით საკითხს.

ეს აცდენა სცილდება უშუალო თავდაცვის პოზიციებს. 2024 წელს, "ლეიბორისტული პარტიის" აქტივისტები ამერიკის ე.წ. მერყევ შტატებში გაემგზავრნენ დონალდ ტრამპის წინააღმდეგ კამპანიის საწარმოებლად. ტრამპი არ არის ის კაცი, რომელიც ასეთ რამეებს ივიწყებს.

როდესაც BBC პრეზიდენტის გამონათქვამებს ისე არედაქტირებს ან წარმოაჩენს, რაც აშშ-ში აღიქმება როგორც ტრამპის მიმართ სელექციური მტრობა, ეს ამყარებს შთაბეჭდილებას, რომ ინსტიტუციური ნეიტრალიტეტი ეროზიას განიცდის. ჯამში, ასეთი სიგნალები აყალიბებს აღქმას.

სტარმერი არ არის მხოლოდ ინსტიტუციური დინების პასიური პროდუქტი. პრემიერ-მინისტრი არის "გადატვირთვის" აქტიური შემსრულებელი.

პრეზიდენტ ტრამპს ნამდვილად უყვარს ბრიტანეთი, მხარს უჭერს მის Brexit-ის სულს და პატივს სცემს მის მონარქიას, თუმცა ამერიკული სტრატეგია ნოსტალგიაზე არ აიგება. თუ სტარმერი გააგრძელებს ბრიტანეთის პოზიციონირებას ამგვარად, ალიანსის ნებისმიერი შესუსტება არ იქნება თავსმოხვეული მოწინააღმდეგეების მიერ. ეს იქნება მისი პირადი, გაცნობიერებული არჩევანი.

ეგრეთ წოდებულმა "განსაკუთრებულმა ურთიერთობამ" გადაიტანა ომები, რეცესიები და მთავრობების ცვლილებები ატლანტის ოკეანის ორივე მხარეს. წარმოუდგენელია, რომ დღეს მას საფრთხე ექმნებოდეს პირადი არჩევანის გამო", - აღნიშნულია სტატიაში.