თურქეთში ძლიერი მიწისძვრა მოხდა
1746215967
გაერო-ს განვითარების პროგრამა (UNDP) აზერბაიჯანში ოფისს ხურავს.
ამის შესახებ ინფორმაციას აზერბაიჯანული სააგენტო „ტრენდი“ ორგანიზაციაში წყაროზე დაყრდნობით ავრცელებს.
ორგანიზაციაში მედიასაშუალებას განუცხადეს, რომ ბაქოში გაერო-ს განვითარების პროგრამის ოფისი ხვალიდან იხურება.
აზერბაიჯანის საგარეო საქმეთა მინისტრმა, ჯეიჰუნ ბაირამოვმა მარტში გაერო-ს განვითარების კოორდინაციის ოფისის ევროპისა და ცენტრალური აზიის რეგიონულ დირექტორთან, გვი იოპ სონთან შეხვედრაზე განაცხადა, რომ ამიერიდან აზერბაიჯანის ურთიერთობა გაერო-ს რიგ სტრუქტურებთან მათი შტაბ-ბინების დონეზე განხორციელდება.
როგორც აზერბაიჯანული მხარე აღნიშნავს, იმის გათვალისწინებით, რომ აზერბაიჯანი დახმარების მიმღები ქვეყნიდან გლობალური დღის წესრიგის ხელშემწყობ სახელმწიფოდ გარდაიქმნა, პრიორიტეტული იქნება თანამშრომლობა გაერო-ს ისეთ სტრუქტურებთან, როგორიცაა გაერო-ს დასახლებების პროგრამა, გაერო-ს გარემოსდაცვითი პროგრამა, გაერო-ს კლიმატის ცვლილების ჩარჩო კონვენციის სამდივნო და სხვა შესაბამისი ორგანიზაციები.
