ათასობით ადამიანი გამოგვყავს ახლო აღმოსავლეთის სხვადასხვა ქვეყნიდან, ეს ხდება მშვიდად და შეუფერხებლად - დონალდ ტრამპი

აშშ-ის პრეზიდენტის, დონალდ ტრამპის განცხადებით, ახლო აღმოსავლეთიდან ამერიკელები უსაფრთხოდ და შეუფერხებლად გამოჰყავთ.

„ჩვენ ათასობით ადამიანი გამოგვყავს ახლო აღმოსავლეთის სხვადასხვა ქვეყნიდან. ეს ხდება მშვიდად, ასევე შეუფერხებლად. სახელმწიფო დეპარტამენტი მარკო რუბიოს ხელმძღვანელობით შესანიშნავ საქმეს აკეთებს!“ – წერს ტრამპი სოციალურ ქსელში.

როგორც „ბიბისი“ წერს, სახელმწიფო დეპარტამენტის ოფიციალური პირის განცხადებით, ომის დაწყებიდან დღემდე „თითქმის 24 000 მოქალაქე უსაფრთხოდ დაბრუნდა შეერთებულ შტატებში“.