AP: პაკისტანმა აშშ-სა და ირანს მოლაპარაკებების მეორე რაუნდის გამართვა შესთავაზა

პაკისტანმა აშშ-სა და ირანს ისლამაბადში სამშვიდობო მოლაპარაკებების მეორე რაუნდის გამართვა შესთავაზა. ინფორმაციას Associated Press-ი ავრცელებს.

სააგენტოს ცნობით, პაკისტანურ მხარეს სურს, რომ მოლაპარაკებები რამდენიმე დღეში, ორკვირიანი ცეცხლის შეწყვეტის ვადის ამოწურვამდე გაიმართოს.

როგორც ერთ-ერთმა წყარომ სააგენტოს განუცხადა, მიუხედავად იმისა, რომ აშშ-სა და ირანს შორის მოლაპარაკებების პირველი რაუნდი უშედეგოდ დასრულდა, ეს არის განგრძობადი დიპლომატიური პროცესი და არა ერთჯერადი აქცია.

ცნობისთვის, აშშ-მა და ირანმა ისლამაბადში მოლაპარაკებების პირველი რაუნდი 11 აპრილს გამართეს.