ანა პაულინა ლუნა: ბევრი ადამიანია, რომლებსაც არ სურთ უკრაინაში სამშვიდობო შეთანხმების მიღწევა, რადგან ბევრ მათგანს პირადი ინტერესები აქვს გარკვეულ თავდაცვის კონტრაქტორთან

წარმომადგენელთა პალატის წევრის ანა პაულინა ლუნას თქმით, ბევრ პოლიტიკოსს შეერთებულ შტატებში უკრაინის ომის დასრულება არ სურს. მისი განცხადებით, სამშვიდობო შეთანხმება არამხოლოდ დემოკრატებს, არამედ რესპუბლიკელთა ნაწილსაც არ სურს, რადგანაც მათ თავდაცვის კონტრაქტორებთან კერძო ინტერესები აქვთ.

„ბევრი ადამიანია, არა მხოლოდ დემოკრატები, რომლებსაც არ სურთ ამ სამშვიდობო შეთანხმების მიღწევა, რადგან ბევრ მათგანს პირადი ინტერესები აქვს გარკვეულ თავდაცვის კონტრაქტორთან და მათი პირადი ინვესტიციები ამ კომპანიების აქციებთან არის დაკავშირებული. სწორედ ამიტომ ვხედავთ წინააღმდეგობას“, - აცხადებს ლუნა.