ომარ კელაპტრიშვილის კულტურის ცენტრში, ცენტრთან არსებულმა მუსიკალურმა ბენდმა`„Old Strings-ძველი სიმები“ სადებიუტო სოლო კონცერტი გამართა

ომარ კელაპტრიშვილის კულტურის ცენტრში, ცენტრთან არსებულმა მუსიკალურმა ბენდმა „Old Strings-ძველი სიმები" სადებიუტო სოლო კონცერტი გამართა. „Old Strings-ძველი სიმები" ორი წლის წინ კასპის მუნიციპალიტეტის მერიის ინიციატივითა და მხარდაჭერით ჩამოყალიბდა.

ბენდის წევრებმა თავდაუზოგავი შრომის ფასად მალევე შეძლეს საკუთარი შემოქმედებით მაყურებლის წინაშე გამოსვლა და მათი მხარდაჭერის მოპოვება.

პროფესიონალი მუსიკოსები ცდილობენ სიმღერები მაყურებლის გემოვნებას მოარგონ.

ბენდის შემადგენლობა ასეთია: კლავიში - კობა კრიჭაშვილი, გიტარა - ჯაბა ნონიაშვილი, ბას გიტარა - გია ყაზარაშვილი, დრამი - მიხეილ ქოსაშვილი, ვოკალი და სინთეზი - ხატია მამულაშვილი.

სადებიუტო სოლო კონცერტს ესწრებოდნენ ადგილობრივი ხელისუფლების წარმომადგენლები.

კასპის მუნიციპალიტეტის მერია ბენდს - „Old Strings-ძველი სიმები" - ულოცავს პირველ სოლო კონცერტს და წარმატებებს უსურვებს.