"ორი ქმარი და საკუთარი ქალიშვილები მოკლა" - ყველაზე სასტიკი სერიული მკვლელი ქალის საქმე

ბელ განესი ყველაზე სასტიკი მკვლელი ქალის სახელითაა ცნობილი აშშ-ს ისტორიაში.მან მოკლა ორი ქმარი ,საკუთარი ქალიშვილები, რამდენიმე თაყვანისმცემელი და რამდენიმე საყვარელი. 

ბელ განესი, ერთი შეხედვით, მარტოხელა ქვრივს ჰგავდა, რომელიც 19-20 საუკუნეებში ცხოვრობდა. სინამდვილეში კი ქალი სერიული მკვლელი გახლდათ, რომელმაც, მინიმუმ, 14 ადამიანის სიცოცხლე იმსხვერპლა. ზოგიერთი მკვლევარის ვარაუდით კი, მის მსხვერპლთა რაოდენობა 40-მდე ადამიანსაც შეიძლება აღწევდეს.

განესი კარგად გაწერილი გეგმით მოქმედებდა. ორი ქმრის მკვლელობის შემდეგ, ქალმა ადგილობრივ გაზეთებში განცხადებები გამოაქვეყნა. ის ეძებდა მამაკაცებს, რომლებიც მის ფერმაში ინვესტიციას ჩადებდნენ. ამასთან ერთად, ხშირად აგზავნიდა განცხადებას გასაცნობ რუბრიკებშიც.

1908 წელს მისი ფერმა დაიწვა. გავრცელებული ინფორმაციით, სწორედ იქ იმყოფებოდა ბელ განესი, თუმცა, იმ დროს ბევრი ადამიანი ფიქრობდა, რომ ქალმა გადარჩენა და გაქცევა მოახერხა.

ქალი 1859 წლის 11 ნოემბერს ნორვეგიაში დაიბადა. მისი ადრეული ცხოვრების შესახებ ბევრი არაფერია ცნობილი. გარკვეული მიზეზების გამო ის 1881 წელს ჩიკაგოში გადავიდა საცხოვრებლად, სადაც თავისი პირველი მსხვერპლი, მისი ქმარი გაიცნო. განესმა 1885 წელს მადს დიტლევ ანტონ სორენსონზე იქორწინა.

წყვილს ოთხი შვილი ეყოლა. აქედან ორი, სავარაუდოდ, მწვავე კოლიტით გარდაიცვალა, თუმცა, ამ დაავადების სიმპტომები ორივე შემთხვევაში ჰგავდა მოწამვლას.

1900 წლის 30 ივლისს სორენსონი მოულოდნელად ცერებრალური სისხლდენით გარდაიცვალა. ქალის თქმით, სორენსონი სახლში თავის ტკივილით დაბრუნდა, რის გამოც მან ქმარს წამალი მისცა. შემდეგ კი ის გარდაცვლილი იპოვა. საეჭვო გარემოებაა, რომ სწორედ ეს თარიღი წარმოადგენდა კაცის სიცოცხლის დაზღვევის პოლისის ბოლო დღესა და ახალი პოლისის პირველ დღეს. ქვრივმა ორივე პოლისიდან მიიღო თანხა, რისი გაკეთებაც მხოლოდ იმ კონკრეტულ დღეს შეეძლო. 

განესმა ჩიკაგო თავის ორ ბიოლოგიურ და ერთ აყვანილ ქალიშვილთან - ჯენი ოლსენთან ერთად დატოვა და ინდიანაში გადავიდა, სადაც 48 ჰექტარი მიწა შეიძინა.

1902 წელს მან მეორედ, პიტერ განესზე იქორწინა, მოგვიანებით კი პიტერიც ტრაგიკულად გარდაიცვალა. ბელის თქმით, მას თაროდან გადმოვარდნილი ძეხვის საჭრელი მანქანა დაეცა თავში. გიუნესმა ამ შემთხვევაშიც მიიღო გარდაცვლილი ქმრის სიცოცხლის დაზღვევის თანხა.

სასამართლომ ინციდენტი უბედურ შემთხვევად ჩათვალა. ეჭვი მხოლოდ ჯენი ოლსენს გაუჩნდა, რომელმაც თანატოლებს გაუმხილა, რომ დედამ მამას საჭრელი ჩაარტყა და მოკლა.

ცოტა ხანში ოლსენი გაუჩინარდა. ბელი ამტკიცებდა, რომ ის კალიფორნიაში გააგზავნა სასწავლებლად, თუმცა, წლების შემდეგ მისი სხეული განესის ფერმის ტერიტორიაზე აღმოაჩინეს.

ქალმა გაზეთებში განცხადებების განთავსება დაიწყო. კრიმინოლოგების თქმით, მან ზუსტად იცოდა, თუ როგორ უნდა შეეტყუებინა მსხვერპლი თავის ფერმაში.

მამაკაცები, რომლებიც მის სახლთან ჩნდებოდნენ, მოგვიანებით, უკვალოდ ქრებოდნენ.

მეზობლის თქმით, მას თითქმის ყოველ კვირას სტუმრობდნენ მამაკაცები, რომლებსაც სამეზობლოს როგორც ნათესავებს ისე აცნობდა. თუმცა, ის ყოველთვის ცდილობდა, რომ მისი "ბიძაშვილები" ბავშვებისგან დისტანციაზე ყოფილიყვნენ.

1906 წელს მან თავისი ბოლო მსხვერპლი, ენდრიუ ჰელგელიენი ნორვეგიული გაზეთის მეშვეობთ გაიცნო. ცოტა ხანში კი მათ რომანტიკული წერილების გაცვლა დაიწყეს.

1908 წლის 3 იანვარს ჰელგელიენი ნორვეგიიდან ინდიანაში ჩავიდა, რის შემდეგაც მისი კვალი გაქრა.

ამავდროულად, განესს პრობლემები შეექმნა ფერმერ რეი ლამფერთან, რომელსაც ქალის მიმართ რომანტიკული გრძნობები ჰქონდა და სძულდა ყველა ის მამაკაცი, რომელიც ქალს სტუმრობდა.

1908 წლის 27 აპრილს გინესი ადვოკატის სანახავად ლა პორტში წავიდა, ქალი ამტკიცებდა, რომ ლამფერე ეჭვიანი იყო, რის გამოც მისი ფერმიდან გათავისუფლება მოუწია. აღნიშნულის შედეგად კი მამაკაცი გაგიჟდა. მას ანდერძის შედგენა სურდა, რადგან ლამფერე მისი სიცოცხლისთვის საფრთხეს წარმოადგენდა. "მეშინია, რომ ერთ ღამეს ჩემ სახლს ცეცხლს წაუკიდებს" - ამბობდა ქალი.

ამავე ღამეს, ვიღაცამ ქალს სახლი დაუწვა.

სამართალდამცველებმა ტერიტორიაზე განესის სამი შვილის გვამი აღმოაჩინეს. ამასთან ერთად, ნაპოვნი იქნა ქალის ცხედარიც, რომელსაც თავი ჰქონდა მოკვეთილი. პოლიციამ ლამფერს მკვლელობისა და ხანძრის გაჩენის გამო ბრალი წაუყენა. პარალელურად კი ქალის თავის საპოვნელად ფერმის ტერიტორიაზე სამძებრო სამუშაოები დაიწყო.

ფერმაში გამოცხადდა ენდრიუ ჰელგეინის ძმაც, რომელიც ენდრიუს ეძებდა. საბოლოოდ კი მან ძმის დანაწევრებული სხეული სახლის საკუჭნაოში აღმოაჩინა. 

გამოძიების დაწყებიდან ორი დღის განმავლობაში, პოლიციამ აღმოაჩნა 11 ადამიანის სხეულის სხვადასხვა ნაწილები.

ექსპერტებმა ვერ დაადგინეს, თუ ვისი იყო ფერმაში აღმოჩენილი უთავო ქალის სხეული, რის გამოც, ლამფერს მკვლელობის ბრალდება მოუხსნეს.

კაცი, განესთან კავშირისა და ფერმაში გაჩენილი ხანძრის გამო, ციხეში აღმოჩნდა, სადაც პატიმრებს გაუმხილა, რომ მას ბელთან ერთად ჯამში 42 ადამიანი ჰყავდა მოკლული. მისი თქმით, განესი მსხვერპლს კლავდა და ანაწევრებდა, თვითონ კი გვამის დამარხვაში ეხმარებოდა.

დღემდე არავინ იცის, თუ რა მოხდა სინამდვილეში. ბევრი ადამიანი ფიქრობს, რომ განესმა სიკვდილის ინსცენირება მოახდინა, შემდეგ კი საცხოვრებელი და სახელი შეიცვალა.

1931 წელს ლოს-ანჯელესში ესთერ კარლსონი ნორვეგიელ-ამერიკელი კაცის მოწამვლისა და მისი გაქურდვის მცდელობისთვის დააკავეს. ქალი სასამართლო პროცესის მოლოდინში ტუბერკულოზით გარდაიცვალა. იმ დროს ბევრმა შეამჩნია, რომ ესთერი ძალიან ჰგავდა განესს. ამასთან, ის ყოველთვის ატარებდა ბავშვების ფოტოებს, რომლებიც, ასევე, ჰგავდნენ მის შვილებს.

ასევე ნახეთ:

10-11 წლის ვიყავი, როცა ნასვამმა მამამ ჩემთან დაძინება გადაწყვიტა… – შემზარავი ისტორია

ფონიჭალიდან გატაცებული 7 წლის ბიჭის მკვლელის ჩვენება - საქმე, რომელმაც თბილისი შეძრა

"კლინიკური სიკვდილის მერე, დამირეკა და მითხრა: ნუ გეშინია, ისე არ წავალ ამ ქვეყნიდან, სანამ..." - ლანა ღოღობერიძე გია ყანჩელზე