სკოლებში ახალი სასწავლო წელი სიახლეებით იწყება - რა დახვდებათ მოსწავლეებს სექტემბრიდან

ახალი სასწავლო წელი სკოლებში არაერთი სიახლით დაიწყება. 15 სექტემბრიდან პირველ, მეშვიდე და მეათე კლასის მოსწავლეებს განახლებული სახელმძღვანელოები დახვდებათ.

სახელმძღვანელოების განახლების ფარგლებში, სასწავლო მასალებში არაერთი ცვლილებაა დაგეგმილი. განსაკუთრებით საინტერესოა ქართული ლიტერატურის მიმართულება  ახალ წიგნებში 27 ახალი ლექსი იქნება დამატებული.

სახელმძღვანელოებში ინტეგრირებული იქნება QR-კოდებიც, რომელთა საშუალებითაც მოსწავლეებს დამატებით ციფრულ საგანმანათლებლო მასალებზე წვდომა ექნებათ.

სიახლეებია სასკოლო ფორმებთან დაკავშირებითაც. მშობლებს შესაძლებლობა ექნებათ, სკოლის ფორმები სპეციალური ონლაინპლატფორმის საშუალებით სახლიდან გაუსვლელად შეუკვეთონ და მითითებულ მისამართზე მიიღონ.

ფორმის შეკვეთის პროცესი ელექტრონულად იქნება შესაძლებელი, რაც მშობლებისთვის სკოლისთვის საჭირო ნივთების მომზადებას კიდევ უფრო გაამარტივებს.

ამრიგად, 2026-2027 სასწავლო წელი მოსწავლეებისთვის ახალი წიგნებით, განახლებული სასწავლო მასალებით, ციფრული რესურსებითა და სასკოლო ფორმების ონლაინშეკვეთის შესაძლებლობით იწყება.

ახალი სასწავლო წლისთვის მზადება კი უკვე აქტიურად მიმდინარეობს  მშობლებსა და მოსწავლეებს სულ ცოტა დრო რჩებათ, რათა 15 სექტემბერს სასწავლო პროცესს სრულ მზადყოფნაში შეხვდნენ.