ყველა სიახლე

1722032119

რა გავაკეთოთ და რა არა დღეს - პროგნოზი თითოეული ნიშნისთვის

ვერძიმოულოდნელობების დღეა, გახალისდით და გაახალისეთ თქვენი გარემოცვა, დაგეგმეთ რომანტიკული ვახშამი, თუ მეწყვილე არ გყავთ, მცირე საჩუქრებით ოჯახის წევრები გაახარეთ.კუროშეინარჩუნეთ სიმშვიდე და კეთილგონიერება. ნაყოფიერი დღეა ყველა მიმართულებით, მოლაპარაკებები და შეხვედრები საკმაოდ საინტერესოდ განვითარდება.ტყუპებინუ მოდუნდებით, გააანალიზეთ მოვლენები, რომელიც აქტუალურია თქვენს ცხოვრებაში. რომელ სფეროშია პრობლემები? სწორედ იქაა სამუშაო, სწორედ აქ უნდა მიმართოთ თქვენი ძირითადი დრო და ძალები.კირჩხიბისწორად გადაანაწილეთ პრიორიტეტები, სტრატეგიულად გაწერეთ გეგმები, ნუ იმოქმედებთ სპონტანურად, ყურადღება მიაქციეთ თქვენს შეგრძნებებს.ლომიცვლილებებით აღსავსე დღეა. ნუ იმოქმედებთ სტანდარტული გზებით. შესაძლოა, გაიცნოთ ადამიანი, რომელიც თქვენს ცხოვრებაში დიდ სიახლეებს შემოიტანს.ქალწულიმეტი წინდახედულობა გამოიჩინეთ მგზავრობისას. იყავით ჩართული სოციალურ აქტივობებში, განსაკუთრებით, ისეთ თემებში, რომელიც განათლებას უკავშირდება.სასწორიმოუსმინეთ გულს, აკეთეთ ის, რაც სიამოვნებას განიჭებთ, გამოიყენეთ თქვენს ხელთ არსებული საშუალებები და მიეცით საშუალება საკუთარ თავს, დატკბეთ არსებული რეალობით.მორიელიყურადღება მიაქციეთ ნებისმიერი სახის ინფორმაციას, სასიკეთო დღეა მგზავრობისთვის. დაფიქრდით იმაზე, თუ რა გაკლიათ ცხოვრებაში, პასუხებს, დიდი ალბათობით, დღესვე მიიღებთ.მშვილდოსანიდაისვენეთ, აიმაღლეთ ენერგოტონუსი, შემოიფარგლეთ რუტინული საქმიანობით. ახალი წამოწყებებისთვის, ჯერ შესაფერისი დრო არ არის.თხის რქამოდუნდით, არ არის საჭირო ყველაფრის კონტროლი, მიანდეთ პროცესები დინებას. ყველაფერს თავის დრო აქვს, ის, რაც ახლა არ გამოგივიდათ, სამომავლოდ, აუცილებლად გამოვა.მერწყულიმთავარია, შეინარჩუნოთ ემოციური სტაბილურობა, სხვა მხრივ, სასიკეთო დღეა მოლაპარაკებებისთვის და პარტნიორული ურთიერთობების დალაგებისთვის.თევზებიმნიშვნელოვანი დღეა, სწორი ქმედებით მარტივად დაალაგებთ ურთიერთობებს როგორც ოჯახის წევრებთან, ასევე, ნაცნობებთან.

1722021600

27 ივლისის ასტროლოგიური პროგნოზი

ვერძიმოულოდნელობების დღეა, გახალისდით და გაახალისეთ თქვენი გარემოცვა, დაგეგმეთ რომანტიკული ვახშამი, თუ მეწყვილე არ გყავთ, მცირე საჩუქრებით ოჯახის წევრები გაახარეთ.კუროშეინარჩუნეთ სიმშვიდე და კეთილგონიერება. ნაყოფიერი დღეა ყველა მიმართულებით, მოლაპარაკებები და შეხვედრები საკმაოდ საინტერესოდ განვითარდება.ტყუპებინუ მოდუნდებით, გააანალიზეთ მოვლენები, რომელიც აქტუალურია თქვენს ცხოვრებაში. რომელ სფეროშია პრობლემები? სწორედ იქაა სამუშაო, სწორედ აქ უნდა მიმართოთ თქვენი ძირითადი დრო და ძალები.კირჩხიბისწორად გადაანაწილეთ პრიორიტეტები, სტრატეგიულად გაწერეთ გეგმები, ნუ იმოქმედებთ სპონტანურად, ყურადღება მიაქციეთ თქვენს შეგრძნებებს.ლომიცვლილებებით აღსავსე დღეა. ნუ იმოქმედებთ სტანდარტული გზებით. შესაძლოა, გაიცნოთ ადამიანი, რომელიც თქვენს ცხოვრებაში დიდ სიახლეებს შემოიტანს.ქალწულიმეტი წინდახედულობა გამოიჩინეთ მგზავრობისას. იყავით ჩართული სოციალურ აქტივობებში, განსაკუთრებით, ისეთ თემებში, რომელიც განათლებას უკავშირდება.სასწორიმოუსმინეთ გულს, აკეთეთ ის, რაც სიამოვნებას განიჭებთ, გამოიყენეთ თქვენს ხელთ არსებული საშუალებები და მიეცით საშუალება საკუთარ თავს, დატკბეთ არსებული რეალობით.მორიელიყურადღება მიაქციეთ ნებისმიერი სახის ინფორმაციას, სასიკეთო დღეა მგზავრობისთვის. დაფიქრდით იმაზე, თუ რა გაკლიათ ცხოვრებაში, პასუხებს, დიდი ალბათობით, დღესვე მიიღებთ.მშვილდოსანი დაისვენეთ, აიმაღლეთ ენერგოტონუსი, შემოიფარგლეთ რუტინული საქმიანობით. ახალი წამოწყებებისთვის, ჯერ შესაფერისი დრო არ არის.თხის რქამოდუნდით, არ არის საჭირო ყველაფრის კონტროლი, მიანდეთ პროცესები დინებას. ყველაფერს თავის დრო აქვს, ის, რაც ახლა არ გამოგივიდათ, სამომავლოდ, აუცილებლად გამოვა.მერწყულიმთავარია, შეინარჩუნოთ ემოციური სტაბილურობა, სხვა მხრივ, სასიკეთო დღეა მოლაპარაკებებისთვის და პარტნიორული ურთიერთობების დალაგებისთვის.თევზებიმნიშვნელოვანი დღეა, სწორი ქმედებით მარტივად დაალაგებთ ურთიერთობებს როგორც ოჯახის წევრებთან, ასევე, ნაცნობებთან.

1721995298

ევროკავშირის მიერ უკრაინისთვის რუსული გაყინული აქტივების გადაცემას რუსეთი უპასუხოდ არ დატოვებს - პესკოვი

რუსეთი უპასუხოდ არ დატოვებს ევროკავშირის მიერ რუსული გაყინული აქტივების უკრაინისთვის გადაცემას, – ამის შესახებ კრემლის პერესმდივანმა, დიმიტრი პესკოვმა განაცხადა.ჟურნალისტებთან საუბრისას პესკოვმა თქვა, რომ ევროკავშირის ეს ნაბიჯი „უკანონოა“.„ევროკავშირის ასეთი ნაბიჯები უპასუხოდ არ დარჩება. ეს არ არის საბაბი სწრაფი რეაქციისთვის, რა თქმა უნდა, ეს არის საბაბი საპასუხო გააზრებული ქმედებებისთვის. საპასუხო ქმედებები აუცილებლად იქნება, მაგრამ სრულად უნდა იყოს გააზრებული და შეესაბამებოდეს ჩვენს ინტერესებს“, – განაცხადა პესკოვმა.შეგახსენებთ, დღეს ევროკომისიის პრეზიდენტმა, ურსულა ფონ დერ ლაიენმა განაცხადა, რომ ევროკავშირი უკრაინას გაყინული რუსული აქტივებიდან მიღებულ 1,5 მილიარდ ევროს გადასცემს.

1721995075

საფრანგეთის სარკინიგზო კომპანია: რკინიგზაზე მომხდარი ვანდალური აქტის გამო, 800 ათასამდე მგზავრი დაზარალდება

საფრანგეთის სახელმწიფო სარკინიგზო კომპანია SNCF-ში აცხადებენ, რომ სარკინიგზო სისტემის შეფერხების გამო დღეს, შესაძლოა, 250 ათასამდე მგზავრი დაზარალდეს, ხოლო კვირის ბოლომდე მათი რიცხვი, სავარაუდოდ, 800 000-ს მიაღწევს.ამის შესახებ ინფორმაციას „სიენენი“ ავრცელებს.ასევე, ჩქაროსნული რკინიგზის კომპანია Eurostar-ში, რომელიც დიდ ბრიტანეთსა და საფრანგეთს შორის მიმოსვლას უზრუნველყოფს, განაცხადეს, რომ ამ დროისთვის ლონდონსა და პარიზს შორის მიმოსვლა შეზღუდულია. მათივე ინფორმაციით, ყველა ჩქაროსნული მატარებელი პარიზიდან გადამისამართდება, რაც მგზავრობის დროს დაახლოებით საათ-ნახევრით გაახანგრძლივებს. რეისების ნაწილი კი გაუქმებულია.საფრანგეთის დაზვერვაში „სიენენს“ განუცხადეს, რომ ქვეყნის ყველა შესაბამისი სამსახური სრულად არის მობილიზებული, რომ მომხდარში დამნაშავე პირები გამოავლინონ.წყაროს თქმით, დაზვერვაში აცხადებენ, რომ „მსგავს მეთოდებს წარსულში ულტრამემარცხენეები იყენებდნენ“, მაგრამ „არ არსებობს არანაირი მტკიცებულება, რომ დღევანდელი ქმედებები მათ უკავშირდება“.საფრანგეთში ჩქაროსნული რკინიგზის ოპერატორი კომპანია SNCF-ი აცხადებს, რომ სარკინიგზო ქსელის წინააღმდეგ ვანდალური აქტები განხორციელდა, რამაც პარიზის ოლიმპიადის გახსნის ცერემონიამდე რამდენიმე საათით ადრე სარკინიგზო სისტემის მუშაობა შეაფერხა.

1721987984

დიახაც ვაპირებთ, რომ ვაჭრობა გავაგრძელოთ რუსეთთან, არასდროს გვითქვამს, რომ ვაჭრობა უნდა შეწყდეს - გიორგი ვაშაძე

პარლამენტის თავმჯდომარის დღევანდელ განცხადებებს, სადაც შალვა პაპუაშვილი ოპოზიციის შეცვლილ რიტორიკაზე და მოსახლეობის შეცდომაში შეყვანის მცდელობაზე საუბრობს, ოპოზიციაში ეხმაურებიან."სტრატეგია აღმაშენებლის" წევრის, გიორგი ვაშაძის შეფასებით, შალვა პაპუაშვილი ამ განცხადებებით ცდილობს, საზოგადოება ორად გაყოს. ვაშაძემ რუსეთთან სავაჭრო საკითხთან დაკავშირებით, საკუთარ მოსაზრებაზე, კიდევ ერთხელ ისაუბრა."ეს არის პარლამენტის თავმჯდომარის განცხადება? დაპირისპირებისკენ მოწოდება? კიდევ მეტი ზიზღი? კიდევ მეტი სიძულვილი? სიყალბე არის მათი ხელწერა. ჩვენ დიახაც ვაპირებთ, რომ ვაჭრობა გავაგრძელოთ რუსეთთან. არასდროს არ გვითქვამს, რომ ვაჭრობა უნდა შეწყდეს, მთავარი ჩვენი ამოცანაა, რომ რუსულ ეკონომიკაზე არ იყოს დამოკიდებული ქართული ეკონომიკა, როგორც ეს გააკეთა "ქართულმა ოცნებამ."საქართველო იქნება ევროკავშირის წევრი, საქართველოს ექნება რუსეთთან ვაჭრობა, ოღონდ სამჯერ მეტს გავყიდით ჩვენ და არა რუსეთი. ეს არის ჩემი პირდაპირი მიზანი," - აღნიშნა გიორგი ვაშაძემ.გიორგი გახარიას გუნდში კი ამბობენ, რომ, სამწუხაროდ, ოპოზიციის ნაწილს სჩვევია არათანმიმდევრულობა და საკუთარი რიტორიკის შეცვლა, რაც მთლიან ოპოზიციურ განწყობებს ქვეყანაში აზიანებს.თუმცა, როგორც ბექა ლილუაშვილმა აღნიშნა, თავად მათ პარტიას რუსეთთან ეკონომიკური კავშირების ნაწილში რიტორიკა არ შეუცვლიათ.

1721980840

ირანელები პრეზიდენტ ტრამპს თუ მოკლავენ, რაც ყოველთვის შესაძლებელია, იმედი მაქვს, ამერიკა გაანადგურებს ირანს, წაშლის დედამიწიდან - დონალდ ტრამპი

ირანელები პრეზიდენტ ტრამპს თუ მოკლავენ, რაც ყოველთვის შესაძლებელია, იმედი მაქვს, რომ ამერიკა გაანადგურებს ირანს, წაშლის მას დედამიწის პირიდან, – ამის შესახებ აშშ-ის პრეზიდენტობის კანდიდატმა, დონალდ ტრამპმა განაცხადა.„თუ ეს არ მოხდება, ამერიკელი ლიდერები ჩაითვლებიან „უგუნურ“ მშიშრებად!” – წერს დონალდ ტრამპი სოციალურ ქსელში.აშშ-ის პრეზიდენტობის კანდიდატმა სოციალურ ქსელში გააზიარა ისრაელის პრემიერ-მინისტრის, ბენიამინ ნეთანიაჰუს აშშ-ის კონგრესში გაკეთებული განცხადება, სადაც ის ამბობს, რომ ირანელები პრეზიდენტ ტრამპის მოკვლით დაიმუქრნენ.

1721980741

საფრანგეთში სარკინიგზო ქსელის წინააღმდეგ ვანდალური აქტები განხორციელდა, რამაც სარკინიგზო სისტემის მუშაობა შეაფერხა

საფრანგეთში ჩქაროსნული რკინიგზის ოპერატორი კომპანია SNCF აცხადებს, რომ სარკინიგზო ქსელის წინააღმდეგ ვანდალური აქტები განხორციელდა, რამაც პარიზის ოლიმპიადის გახსნის ცერემონიამდე რამდენიმე საათით ადრე სარკინიგზო სისტემის მუშაობა შეაფერხა.კომპანიაში აცხადებენ, რომ ღამით ერთდროულად რამდენიმე მავნებლური აქტი განხორციელდა, მათ შორის რკინიგზის ხაზების გასწვრვივ ინსტალაციებისთვის ცეცხლის წაკიდების რამდენიმე შემთხვევა.როგორც ოპერატორ კომპანიაში აღნიშნავენ, ვანდალური აქტები შეეხო იმ ხაზებს, რომლებიც პარიზს საფრანგეთის დასავლეთ, ჩრდილოეთ და აღმოსავლეთ ნაწილებთან აკავშირებს, რამაც სარკინიგზო მიმოსვლა შეაფერხა – გაუქმდა სარკინიგზო რეისების ნაწილი, მატარებლების ნაწილი კი გადამისამართდა სხვა მიმართულებებით.„ეს არის დიდი მასშტაბის თავდასხმა, რომლის მიზანია ქალაქთაშორისი სარკინიგზო ქსელის პარალიზება“, – განუცხადა SNCF-ის წარმომადგენელმა სააგენტო „ფრანს პრესს“.კომპანიაში აღნიშნავენ, რომ აღდგენითი სამუშაოები, სულ მცირე, მთელი შაბათი-კვირა გაგრძელდება.SNCF მოუწოდებს მგზავრებს, გადადონ დაგეგმილი მოგზაურობა.მომხდარს გამოეხმაურა საფრანგეთის სპორტის მინისტრი ამელი უდეა-კასტერა, რომელმაც ვანდალიზმი დაგმო.„ეს აბსოლუტურად შემზარავია. ოლიმპიური თამაშების სამიზნეში ამოღება ნიშნავს საფრანგეთის სამიზნეში ამოღებას“, – განაცხადა მან.

1721980130

პარიზი 2024 - ქართველი ოლიმპიელების გამოსვლის განრიგი

2024 წლის ზაფხულის ოლიმპიადას პარიზი მასპინძლობს, შეჯიბრებებში 28 ქართველი სპორტსმენი მიიღებს მონაწილეობას. ოლიმპიური თამაშების რეპორტაჟებს საქართველოს პირველი არხი და პირველი არხი სპორტი შემოგთავაზებთ.26 ივლისი21:30 – ოლიმპიადის გახსნის ცერემონია 27 ივლისიძიუდო. გიორგი სარდალაშვილი12:00-დან – 60 კგ.ცურვა. ანა ნიჟარაძე13:00 – ბატერფლაი 100მ. – კვალიფიკაცია, ნახევარფინალი (22:30)ტყვიის სროლა. ნინო სალუქვაძე 14:30 – პნევმატური პისტოლეტი, 10 მეტრი, კვალიფიკაციაფარიკაობა. სანდრო ბაზაძე15:45 – 1/32-ფინალი 28 ივლისიცურვა. ნოე ფანცხავა13:00 – გულაღმა ცურვა 100 მ. კვალიფიკაცია, ნახევარფინალი (23:37)ძიუდო. ვაჟა მარგველაშვილი12:00-დან – 66 კგ..ტყვიის სროლა. ნინო სალუქვაძე 14:00 – პნევმატური პისტოლეტი, 10 მეტრი, ფინალიკრივი. გიორგი ყუშიტაშვილი VS დავლატ ბოლტაევი (ტაჯიკეთი)22:48 – 92 კგ. 1/8-ფინალი 29 ივლისიძიუდო. ლაშა შავდათუაშვილი VS ჟოან ბენჟამინ გაბა (საფრანგეთი)12:00-დან – 73 კგ.ძიუდო. ეთერ ლიპარტელიანი VS ლელ ნეირნი (დიდი ბრიტანეთი)12:00-დან – 57 კგ.კრივი. ლაშა გურული VS მალიკ ჰასანოვი (აზერბაიჯანი)22:48 – 63.5 კგ. 1/8-ფინალი 30 ივლისიძიუდო. ტატო გრიგალაშვილი 12:00-დან – 81 კგ.ძიუდო. ეთერ ასკილაშვილი12:00-დან – 63 კგ. 31 ივლისიძიუდო. ლაშა ბექაური12:00-დან – 90 კგ. 1 აგვისტოძიუდო. ილია სულამანიძე12:00-დან – 100 კგ. 2 აგვისტოტყვიის სროლა. ნინო სალუქვაძე11:00 – პისტოლეტი, 25 მეტრი – კვალიფიკაციაბატუტი. ლუბა გოლოვინა14:00 – კვალიფიკაცია , 15:50 – ფინალიძიუდო. გურამ თუშიშვილი12:00-დან – + 100 კგ.ძიუდო. სოფიო სომხიშვილი12:00 – + 78მძლეოსნობა. ლიკა ხარჩილავა13:30 – 100 მეტრზე რბენა – კვალიფიკაცია, 21:50 – ნახევარფინალი 3 აგვისტოტყვიის სროლა. ნინო სალუქვაძე 11:30 – პისტოლეტი, ფინალი10:00 – საქართველოს ძიუდოს ნაკრები – მიქსი გუნდური 6 აგვისტობერძნულ-რომაული ჭიდაობა. რობერტ კობლიაშვილი 13:30 – 97 კგ. იწყება მერვედფინალით, ფინალური ბლოკი – მეორე დღეს. 7 აგვისტობერძნულ-რომაული ჭიდაობა. რამაზ ზოიძე 13:30 – 67 კგ. იწყება მერვედფინალით, ფინალური ბლოკი – მეორე დღეს.ბერძნულ-რომაული ჭიდაობა. ლაშა გობაძე13:30 – 87 კგ. იწყება მერვედფინალით, ფინალური ბლოკი – მეორე დღეს.ძალოსნობა. შოთა მიშველიძე17:00 – 61 კგ. 8 აგვისტოთავისუფალი ჭიდაობა. ვლადიმერ გამყრელიძე13:30 – 86 კგ. იწყება მერვედფინალით, ფინალური ბლოკი – მეორე დღეს. 9 აგვისტოთავისუფალი ჭიდაობა. გენო პეტრიაშვილი13:30 – +125 კგ. იწყება მერვედფინალით, ფინალური ბლოკი – მეორე დღეს. 10 აგვისტოთავისუფალი ჭიდაობა. გოდერძი ძებისაშვილი13:30 – 65 კგ. იწყება მერვედფინალით, ფინალური ბლოკი – მეორე დღეს.თავისუფალი ჭიდაობა. გივი მაჭარაშვილი13:30 – 97 კგ. იწყება მერვედფინალით, ფინალური ბლოკი – მეორე დღეს.ძალოსნობა. ირაკლი ჩხეიძე13:30 – 102 კგ.ძალოსნობა. ლაშა ტალახაძე 22:30 – + 102 კგ.

1721938644

რა გავაკეთოთ და რა არა დღეს - პროგნოზი თითოეული ნიშნისთვის

ვერძისიზარმაცის დრო არაა, აუცილებელია აქტიურობის გამოვლენა, წინააღმდეგ შემთხვევაში, წარმატებას ვერ მიაღწევთ. შეეცადეთ, გამოავლინოთ თქვენი საუკეთესო მხარეები და თვისებები, ამას აუცილებლად შეამჩნევენ და დააფასებენ.კუროკარიერულ გეგმებთან დაკავშირებით, პოზიტიური ცვლილებები გელით. მნიშვნელოვანი საბუთები წარმატებით შეგიძლიათ გააფორმოთ და თუ საჭირო იქნა, კორექტივებიც შეიტანეთ.ტყუპებიკარგი იქნება, თუ მეტ ყურადღებას დაუთმობთ პირად ურთიერთობებს, სასურველია, ოფიციალურად დააკანონოთ ან პარტნიორთან ერთად გადახვიდეთ საცხოვრებლად. პოზიტიური ცვლილებები გელოდებათ.კირჩხიბიშეხვედრებისათვის კარგი დღეა, დიდია ალბათობა, ხარისხიანად შესრულებული საქმისათვის პრემია ან კარიერული წინსვლა მიიღოთ.ლომიმოულოდნელ ფინანსურ შემოსავლები გელით, თქვენი კომპანიის ბიუჯეტსაც საკმაოდ გაამდიდრებთ. ეს პერიოდი სასიკეთოა სწავლისა და პროფესიული დონის ასამაღლებლად.ქალწულიდღეს ყველა დაბრკოლება და შეზღუდვა იოლად დაძლევადია, საღამოს მეგობრების წრეში დაისვენეთ.სასწორიპირად-სასიყვარულო ურთიერთობებში დადებითი ემოციები გელოდებათ, კარგი იქნება, თუ თქვენ პარტნიორთან ერთად დაგეგმავთ დასვენებასა და მოგზაურობას.მორიელითუ მოინდომებთ, შეუძლებელს შეძლებთ, თქვენი გონებამახვილობა და დამაჯერებელი ლოგიკა ნებისმიერ სიტუაციაში გამარჯვებას მოგიტანთ.მშვილდოსანიმეგობრებთან საინტერესო შეხვედრა და მნიშვნელოვანი საქმის წამოწყება გელით, საღამოს კი უმჯობესია, გაერთოთ და დაისვენოთ.თხის რქამოერიდეთ პირადი თემების სოციალურ ქსელში გამომზეურებას და სანამ რამეს გადაწყვეტთ, 7-ჯერ გაზომეთ, ნუ იქნებით აგრესიული. საღამოს დაისვენეთ.მერწყულიშესაძლოა, ხელმძღვანელ პირებთან დაგჭირდეთ ურთიერთობების გარკვევა, გამოიჩინეთ მეტი დიპლომატია, დღეს დიდი შანსი გაქვთ, დადებითი პასუხები მიიღოთ.თევზებიეს დღე მხოლოდ სასიამოვნო მომენტებს და კარგ განწყობას გპირდებათ. საქმეც სწრაფად და მარტივად გამოგივათ. საინტერესო აღმოჩენები გელით. გაატარეთ საღამო ახლო მეგობრების ხმაურიან კომპანიაში, განეწყვეთ, წინ საინტერესო შაბათ-კვირაა.

1721936580

ჯერ კიდევ ბევრი გვაკლია ევროპულ სტანდარტებამდე, მაგრამ ასე თუ გავყვებით პროცესებს, 2030 წლისთვის სიღარიბე, თუ არა სრულად, თითქმის განულდება - ირაკლი კობახიძე

ჯერ კიდევ ბევრი გვაკლია ევროპულ სტანდარტებამდე, სიღარიბის განულებამდე, მაგრამ თუ ასე გავყვებით პროცესებს, 2030 წლისთვის არსებითად გვექნება გარდატეხა მოსახლეობის სოციალური მდგომარეობის თვალსაზრისით და სიღარიბე, თუ არა სრულად, თითქმის განულდება, – ამის შესახებ საქართველოს პრემიერ-მინისტრმა, ირაკლი კობახიძემ გადაცემა „ღამის კურიერში“ განაცხადა.როგორც მთავრობის მეთაურმა აღნიშნა, საქართველოს სჭირდება მაქსიმალური ეკონომიკური ზრდა, რათა თანდათანობით დაეწიოს ევროპულ სტანდარტებს.„ჩვენ გვჭირდება, რომ ქვეყანა დაეწიოს ევროპულ სტანდარტებს, ჩვენ გვაკლია ბევრი დასავლეთევროპულ სტანდარტებამდე, გვაკლია ბევრად ნაკლები, მაგრამ ჯერ კიდევ გვაკლია იმავე აღმოსავლეთ ევროპის სტანდარტებამდე. არის უამრავი სპეკულაცია, არის ევროკავშირის ერთ-ერთი ქვეყანა, არ დავასახელებ შეგნებულად, რომ არ ვაწყენინო ვინმეს, სადაც დღეს სიღარიბე არის 22 პროცენტი, ევროკავშირის წევრ ქვეყანაში. ჩვენ გვჭირდება მაქსიმალური ეკონომიკური ზრდა, იმისათვის, რომ თანდათანობით დავეწიოთ ევროპულ სტანდარტებს. ჩვენი ერთ-ერთი ამოცანა არის სიღარიბის განულება. სწრაფი პროგრესი გვაქვს აქაც“, – განაცხადა ირაკლი კობახიძემ.მისივე თქმით, შარშან 15,4 პროცენტი იყო სიღარიბე და წელს ჩამოვიდა 11,8 პროცენტამდე.„რაც შეეხება შედარებას 2012 წელთან, 2012 წელს სიღარიბე იყო 30 პროცენტი, ეს ნიშნავდა, რომ მილიონ ასი ათასზე მეტი ადამიანი ცხოვრობდა სიღარიბის ზღვარს მიღმა 2012 წელს და შარშანდელი მონაცემებით, ეს მაჩვენებელი ჩამოვიდა 435 ათას ადამიანამდე. ეს ნიშნავს იმას, რომ თითქმის 700 ათასმა ჩვენმა თანამოქალაქემ თავი დააღწია სიღარიბეს. ეს ყველაფერი არის ფაქტები. ბიუჯეტში საიდან შემოდის რამდენჯერმე მეტი თანხა, ვიდრე შემოდიოდა 2012 წელს, შემოდის ეკონომიკური ზრდის წყალობით. აქაც წელს ველოდებით მაღალ ეკონომიკურ ზრდას, რაც გამოიწვევს ბიუჯეტის ზრდას, მოსახლეობის შემოსავლების ზრდას და ა.შ. ეს არის ყოველწლიური პროცესი. რა თქმა უნდა, ჯერ კიდევ ბევრი გვაკლია ევროპულ სტანდარტებამდე, სიღარიბის განულებამდე, მაგრამ თუ ასე გავყვებით პროცესებს, ჩვენ 2030 წლისთვის არსებითად გვექნება შედეგად გარდატეხა მოსახლეობის სოციალური მდგომარეობის თვალსაზრისით და სიღარიბე თითქმის განულდება, თუ არა სრულად, თითქმის განულდება, თუ ჩვენ ამ ტემპით გავაგრძელებთ ზრდას და კიდევ უფრო მეტად შევუწყობთ ხელს ეკონომიკურ განვითარებას. ეს უნდა იყოს ჩვენი მთავარი ეროვნული ამოცანა და ამ პირობებში ეს ყველაფერი კარგი ტემპით ვითარდება, მაგრამ ნაცვლად იმისა, რომ მთელი აქცენტი შიდა თუ გარე კეთილმოსურნეებისა იყოს გადატანილი ამ საკითხებზე, ხედავთ, რამხელა წნეხის და ზეწოლის ქვეშ არის საქართველო“, – განაცხადა ირაკლი კობახიძემ.

1721935080

26 ივლისის ასტროლოგიური პროგნოზი

1721933460

დიდი იმედი გვაქვს, ოლიმპიადა იქნება რეკორდული მედლებისა და ოქროს მედლების თვალსაზრისით, ძალიან კარგი ტემპი აქვს აღებული ქართულ სპორტს, დიდი მიღწევები გვაქვს - ირაკლი კობახიძე

გვყავს გამორჩეული შემადგენლობა და, რა თქმა უნდა, ძალიან დიდი იმედი გვაქვს, რომ წლევანდელი ოლიმპიადა იქნება რეკორდული მოპოვებული მედლების და ოქროს მედლების თვალსაზრისით, – ამის შესახებ საქართველოს პრემიერ-მინისტრმა, ირაკლი კობახიძემ გადაცემა „ღამის კურიერში“ განაცხადა.პრემიერის თქმით, ძალიან კარგი ტემპი აქვს აღებული ქართულ სპორტს, ძალიან დიდი მიღწევები გვაქვს როგორც გუნდურ, ასევე ინდივიდუალურ სახეობებში.„მე გადავხედე ჩვენი ოლიმპიური ნაკრების შემადგენლობას და წელს გვყავს მართლაც გამორჩეული შემადგენლობა. არის არაერთი ოლიმპიური ჩემპიონი და პრიზიორი, მსოფლიო ჩემპიონი და პრიზიორი, ევროპის ჩემპიონი და პრიზიორი. გვყავს გამორჩეული შემადგენლობა და, რა თქმა უნდა, ძალიან დიდი იმედი გვაქვს, რომ წლევანდელი ოლიმპიადა იქნება რეკორდული მოპოვებული მედლების და ოქროს მედლების თვალსაზრისით. ეს უნდა იყოს ჩვენი ამოცანა და დიდი იმედი მაქვს, რომ ჩვენი სპორტსმენები ამ შედეგს მიაღწევენ. ძალიან კარგი ტემპი აქვს აღებული ქართულ სპორტს, ძალიან დიდი მიღწევები გვაქვს როგორც გუნდურ, ასევე ინდივიდუალურ სახეობებში. რა თქმა უნდა, 28-ვე ჩვენს სპორტსმენს, მინდა, ძალიან დიდი წარმატებები ვუსურვო ამ ოლიმპიადაზე. მინდა, ვუსურვო ჩემპიონობა და მაქვს ძალიან დიდი იმედი, რომ მართლა სარეკორდო იქნება ეს ჩემპიონატი ჩვენთვის. ოლიმპიადა ერთ თვეს გრძელდება და ერთი თვე გამიჭირდება წასვლა, თუმცა მაქსიმალურად ვეცდები, რომ დავესწრო ღონისძიებებს და აუცილებლად ვიქნები ოლიმპიადის გახსნაზე, სადაც ოფიციალურად ვარ მიწვეული“, – განაცხადა მთავრობის მეთაურმა.